കൊച്ചി: ഇന്‍സ്റ്റിറ്റ്യൂട്ട് ഓഫ് ചാര്‍ട്ടേഡ് അക്കൗണ്ടന്റ്സ് ഓഫ് ഇന്ത്യ (ഐസിഎഐ) എറണാകുളം ശാഖയുടെ സുവര്‍ണ ജൂബിലി ആഘോഷങ്ങളോടനുബന്ധിച്ചു സിഎ വിദ്യാര്‍ഥി അസോസിയേഷന്റെ ആഭിമുഖ്യത്തില്‍ കൊച്ചിയില്‍ ഏക- 2017 എന്ന പേരില്‍ സംസ്ഥാന കലാമേള സംഘടിപ്പിച്ചു.
പ്രശസ്ത കവിയും ചലച്ചിത്ര ഗാനരചയിതാവുമായ ആര്‍. കെ. ദാമേദരന്‍ കലാമേള ഉദ്ഘാടനം ചെയ്തു. ഐസിഎഐ എറണാകുളം ശാഖാ ചെയര്‍മാന്‍ ലൂക്കോസ് ജോസഫ്, ട്രഷറര്‍ പി.ടി. ജോയ്, പി.ആര്‍. ശ്രീനിവാസന്‍, സിഎ വിദ്യാര്‍ഥി അസോസിയേഷന്‍ വൈസ് ചെയര്‍പേഴ്സണ്‍ യു. ഐശ്വര്യ എന്നിവര്‍ പ്രസംഗിച്ചു. അസോസിയേഷന്‍ എറണാകുളം ശാഖാ ചെയര്‍മാന്‍ റോയ് വര്‍ഗീസ് സ്വാഗതവും സെക്രട്ടറി ഫര്‍സിന്‍ ഫസല്‍ നന്ദിയും പറഞ്ഞു.
സംസ്ഥാനത്തെ മറ്റ് എട്ടു ശാഖകളുമായി ചേര്‍ന്നു നടത്തിയ കലാമേളയില്‍ അഞ്ഞൂറോളം വിദ്യാര്‍ഥികളും സിഎമാരും സമൂഹത്തിന്റെ വിവിധ തുറകളില്‍ നിന്നുള്ളവരും സംബന്ധിച്ചു. വൈകിട്ടു നടന്ന സമാപന സമ്മേളനത്തില്‍ ഐസിഎഐ റീജ്യണല്‍ കൗണ്‍സില്‍ അംഗം ജോമോന്‍ കെ. ജോര്‍ജ് സമ്മാനവിതരണം നടത്തി.
പ്രതികരിക്കാൻ ഇവിടെ എഴുതുക: