കോതമംഗലം: കേരള റോളര്‍ സ്‌കേറ്റിംഗ് അസോസിയേഷന്‍ നടത്തുന്ന സംസ്ഥാന സബ്ബ് ജൂനിയര്‍, ജൂനിയര്‍, സീനിയര്‍ റോളര്‍ സ്‌കേറ്റിംഗ് ചാമ്പ്യന്‍ ഷിപ്പിന്റെ റോഡ് റെയ്സ് (ക്വാഡ്, ഇന്‍ലൈന്‍) മത്സരങ്ങള്‍ തുടങ്ങി. തങ്ങളം കാക്കനാട് ബൈപ്പാസ് റോഡില്‍ കോതമംഗലം മുനിസിപ്പാലിറ്റി അധ്യക്ഷ അഡ്വ. ബൈജു സിജു മത്സരങ്ങള്‍ ഉത്ഘാടനം ചെയ്തു. കെആര്‍എസ്എ സീനിയര്‍ വൈസ് പ്രസിഡന്റ് ബി.വി.എന്‍. റെഡ്ഡി അധ്യക്ഷനായി. ജില്ലാ റോളര്‍ സ്‌കേറ്റിംഗ് അസോസിയേഷന്‍ പ്രസിഡന്റ് മേരി ജോര്‍ജ് തോട്ടം മെഡല്‍ വിതരണം നടത്തി. റോളര്‍ സ്‌കേറ്റിംഗ് ഫെഡറേഷന്‍ ഓഫ് ഇന്ത്യ ട്രഷറര്‍ സെബാസ്റ്റ്യന്‍ പ്രേം അധ്യക്ഷനായി. 28ന് രാവിലെ ആറര മുതല്‍ ഇന്‍ലൈന്‍ റോഡ് റെയ്സ് മത്സരങ്ങള്‍ കാക്കനാട് തങ്ങളം ബെപ്പാസ് റോഡില്‍ നടക്കും. ഡിസംബര്‍ 2നും 3നും 9നും 10നും റോളര്‍ ഹോക്കി, ആര്‍ട്ടിസ്റ്റിക്, ഫ്രീസ്‌റ്റൈല്‍ മത്സരങ്ങള്‍ തൊടുപുഴയില്‍ നടക്കും. 14 ജില്ലകളില്‍ നിന്ന് 820 പേര്‍ മത്സരത്തില്‍ പങ്കെടുക്കുന്നുണ്ടെന്ന് സംഘാടകര്‍ അറിയിച്ചു.
Wednesday, November 27, 2024
സംസ്ഥാന റോളര്‍ സ്‌കേറ്റിംഗ് ചാമ്പ്യന്‍ഷിപ്പ്
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: