ക്വാറി ഉടമയെ മര്‍ദ്ദിച്ച സിപിഎം ബ്രാഞ്ച് സെക്രട്ടറിയുള്‍പ്പടെ ഒമ്പത് പേര്‍ അറസ്റ്റില്‍

ആലത്തൂര്‍: ക്വാറി ഉടമയെ മര്‍ദ്ദിച്ച് വാഹനങ്ങള്‍ തകര്‍ത്ത കേസില്‍ സിപിഎം ബ്രാഞ്ച് സെക്രട്ടറിയുള്‍പ്പടെ ഒമ്പത് പേര്‍ അറസ്റ്റില്‍.

കാട്ടുശ്ശേരി വാവേലി ബ്രാഞ്ച് സെക്രട്ടറി രാമൃഷ്ണന്‍ (59), വാവേലി സ്വദേശികളായ രതീഷ് (30), വയലപ്പള്ളി വീട്ടില്‍ ജയിംസ് (43), രാമു (29), കൃഷ്ണന്‍കുട്ടി (60), ബാലകൃഷ്ണന്‍ (53), കോമളം (60), പാര്‍വ്വതി (53), ജാനകി (60) എന്നിവരെയാണ് അറസ്റ്റ് ചെയ്തത്.

ഈ മാസം 19 ന് വീഴുമലയുടെ താഴ് വരയിലെ ക്വാറിയിലേക്ക് പോകുകയായിരുന്ന ക്വാറി ഉടമ ജേക്കബ് ബാരിയെയും മകനെയും സംഘം ചേര്‍ന്ന് മര്‍ദ്ദിക്കുകയും ടിപ്പര്‍ ലോറിയും കാറും തല്ലിതകര്‍ക്കുകയും ചെയ്തിരുന്നു. ഇതില്‍ പോലീസിന് നല്‍കിയ പരാതിയില്‍ നടപടിയെടുത്തില്ലെന്ന് കാണിച്ച് ക്വാറി ഉടമ 25 ന് ഡി.ജി.പിയ്‌ക്ക് പരാതി നല്‍കിയിരുന്നു.

ഇതേ തുടര്‍ന്നാണ് പോലീസ് ഇവരെ അറസ്റ്റ് ചെയ്തത്. വീഴുമലയുടെ താഴ്‌വരയില്‍ ക്വാറി പ്രവര്‍ത്തിക്കുന്നതിനെതിരെ ജനകീയ സമരസമിതിയുടെ നേതൃത്വത്തില്‍ സമരം നടക്കുന്നുണ്ട്.