നവാഹജ്ഞാന യജ്ഞവും നവരാത്രി ആഘോഷവും

ഓമല്ലൂര്‍: ശ്രീ ചക്കുളത്തുകാവ് ദേവീക്ഷേത്രത്തിലെ ദേവീ ഭാഗവത നവാഹജ്ഞാന യജ്ഞവും നവരാത്രി ആഘോഷവും ഇന്നു മുതല്‍ 28 വരെ നടക്കും. നവരാത്രി മഹോത്സവം ബ്രഹ്മശ്രീ അക്കീരമണ്‍ കാളിദാസ ഭട്ടതരിപ്പാട് ഭദ്രദീപ പ്രതിഷ്ഠ നടത്തി ഉദ്ഘാടനം ചെയ്തു. ഉപദേശക സമിതി പ്രസിഡന്റ് സുരേഷ് പുളി വേലില്‍ അദ്ധ്യക്ഷത വഹിച്ചു. യജ്ഞാചാര്യന്‍ ശാന്തിമഠം ശശീന്ദ്ര വര്‍മ്മ, ഓമല്ലൂര്‍ രക്തകണ്ഠസ്വാമി ക്ഷേത്ര ഉപദേശക സമിതി സെക്രട്ടറി അഭിലാഷ് ഓമല്ലൂര്‍, ഉഴുവത്ത് ദേവീ ക്ഷേത്ര ഉപദേശക സമിതി പ്രസിഡന്റ് രവീന്ദ്ര വര്‍മ്മ അംബാനിലയം, സബ്ഗ്രൂപ്പ് ഓഫിസര്‍ വി. സതീഷ് തുടങ്ങിയവര്‍ സംസാരിച്ചു.കായംകുളം ശാന്തിമഠം ശശീന്ദ്ര ശര്‍മ്മയാണ് യജ്ഞാചാര്യന്‍. എല്ലാ ദിവസവും രാവിലെ 6.30ന് സമൂഹ പ്രാര്‍ത്ഥന, 12 നും വൈകിട്ട് 7 നും പ്രഭാഷണം. ഉച്ചയ്‌ക്ക് 1 ന് അന്നദാനം എന്നിവ നടക്കും.