കോട്ടയം: കോട്ടയത്തെ വള്ളംകളി പ്രേമികകള്‍ക്ക് ഇന്ന് ആവേശ തുഴെയറിയാം. താഴത്തങ്ങാടി ആറ്റില്‍ 118-ാമത് കോട്ടയം മത്സര വള്ളംകളി ഉച്ചയ്‌ക്ക് രണ്ടിന് നടക്കും. അഞ്ച് ചുണ്ടനുകള്‍ ഉള്‍പ്പെടെ 31 കളിയോടങ്ങള്‍ മത്സരത്തില്‍ മാറ്റുരയ്‌ക്കും. കോട്ടയം വെസ്റ്റ് ക്ലബിന്റെ നേതൃത്വത്തില്‍ ഡിടിപിസി, നഗരസഭ, തിരുവാര്‍പ്പ് പഞ്ചായത്ത് എന്നിവയുടെ സഹകരണത്തോടെയാണ് വള്ളംകളി സംഘടിപ്പിക്കുന്നത്.
ഈ വര്‍ഷം ഹീറ്റ്‌സില്‍ പരാജയപ്പെടുന്ന ചുണ്ടന്‍ വള്ളങ്ങള്‍ക്കായി വീണ്ടുമൊരു മത്സരം നടത്തും. അതില്‍ ജയിക്കുന്ന ചുണ്ടന്‍ സെമിയില്‍ കടക്കും. മത്സരത്തില്‍ പങ്കെടുക്കുന്ന ചുണ്ടനുകളും ബോട്ട് ക്ലബും. ഇല്ലിക്കളം (വേമ്പനാട് ബോട്ട് ക്ലബ് കുമരകം), കാരിച്ചാല്‍ (ടൗണ്‍ ബോട്ട് ക്ലബ് , കുമരകം), ശ്രീവിനായകന്‍ (എന്‍സിഡിസി ബോട്ട് ക്ലബ് കുമരകം), നടുഭാഗം (പളളാത്തുരുത്തി ബോട്ട് ക്ലബ് ), ആനാരി (എയ്ഞ്ചല്‍ ബോട്ട് ക്ലബ് മഞ്ചാടിക്കരി).
മറ്റ് വളളങ്ങള്‍; വെപ്പ്(ഓടി) ഒന്നാം ഗ്രേഡ്-അമ്പലക്കടവന്‍(ഫ്രണ്ട്്‌സ് ബോട്ട് ക്ലബ് ഒളശ്ശ), ഷോട്ട് പുളിക്കത്തറ(പുളിക്കത്തറ ബോട്ട് ക്ലബ് എടത്വ), മണലി(സമുദ്ര ബ്രദേഴ്‌സ് കുമരകം), ആശാപുളിക്കക്കളം(നവധാര ബോട്ട് ക്ലബ് കുമരകം), ജയ് ഷോട്ട്(വില്ലേജ് ബോട്ട് ക്ലബ് വെളിയന്നൂര്‍), കോട്ടപ്പറമ്പന്‍(വേളൂര്‍ ബോട്ട് ക്ലബ് വേളൂര്‍). ഇരുട്ടുകുത്തി ഒന്നാം ഗ്രേഡ്-തുരുത്തിത്തറ(ടിബിസി കൊച്ചി),ഡായി നമ്പര്‍ 1(ആമ്പക്കുഴി ബോട്ട് ക്ലബ് )മാമൂടന്‍(മൂലച്ചേരി ടൗണ്‍ ബോട്ട് ക്ലബ്), പടക്കുതിര(അനുഗ്രഹ ബോട്ട് ക്ലബ് )ചുരുളന്‍ ഒന്നാം ഗ്രേഡ്-കോടിമത(കെവിബിസി കവണാര്‍), വേങ്ങല്‍ പുത്തന്‍വീടന്‍(ആര്‍ബിസി തിരുവാര്‍പ്പ്), മൂഴി(സെന്‍ട്രല്‍ ബോട്ട് ക്ലബ് കുമരകം), വേലങ്ങാടന്‍(നോര്‍ത്ത് ബോട്ട് ക്ലബ് പള്ളിച്ചിറ).
പ്രതികരിക്കാൻ ഇവിടെ എഴുതുക: