പുലാമന്തോള്‍: പാലൂര്‍ ശ്രീമേതൃകോവില്‍ മഹാദേവക്ഷേത്രത്തില്‍ ഉപദേവീദേവന്മാരുടെ പ്രതിഷ്ഠയും രണ്ടാംഘട്ട പരിഹാരക്രിയകളും നാളെ ആരംഭിക്കും.
ക്ഷേത്രം തന്ത്രിഈക്കാട്ട്മന നാരായണന്‍ നമ്പൂതിരിപ്പാട്, മേല്‍ശാന്തി ഗിരീഷ് എമ്പ്രാന്തിരി എന്നിവര്‍ കാര്‍മികത്വം വഹിക്കും. നാളെ വൈകിട്ട് നാലിന് പാതിരികുന്നത്ത് മന കൃഷ്ണകുമാര്‍ നമ്പൂതിരിയുടെ നേതൃത്വത്തില്‍ സര്‍പ്പബലിയും, രണ്ടിന് വൈകിട്ട് നാലിന് പുലാമന്തോള്‍ ധന്വന്തരീ ക്ഷേത്രത്തില്‍ നിന്ന് പ്രതിഷ്ഠക്കായുള്ള ഗണപതി, ഭദ്രകാളി വിഗ്രഹങ്ങളുടെ ഘോഷയാത്ര മേതൃകോവില്‍ സന്നിധിയില്‍ എത്തിച്ചേരും.
തുടര്‍ന്ന് ദീപാരാധനക്ക് ശേഷം രാത്രി ഏഴിന് രാജഗോപാലന്‍ പട്ടാമ്പിയുടെ പ്രഭാഷണം. സമാപന ദിവസം രാവിലെ എട്ടിന് ഗണപതി, ഭദ്രകാളി വിഗ്രഹങ്ങളുടെ പ്രതിഷ്ഠ നടക്കും. തുടര്‍ന്ന് ഉത്രാടസദ്യയും ഉണ്ടാകും.
പ്രതികരിക്കാൻ ഇവിടെ എഴുതുക: