ദല്‍ഹി: ഐഡിയ സെല്ലുലാര്‍ കമ്പനി 2.97 കോടി രൂപ നഷ്ടപരിഹാരം നല്‍കണമെന്ന് ടെലികോം റെഗുലേറ്ററി അതോരിറ്റി (ട്രായ്) ഉത്തരവിട്ടു. ഇന്റര്‍ കണക്ഷന്‍ ചാര്‍ജ്ജ് ഇനത്തില്‍ ഉപഭോക്താക്കളില്‍ നിന്ന് അധിക തുക ഈടാക്കിയതിനെ തുടര്‍ന്നാണ് പിഴ ചുമത്തിയത്.
ഇന്റര്‍കണക്ഷന്‍ ചാര്‍ജ്ജ് ഇനത്തില്‍ ബി.എസ്.എന്‍.എല്‍-എം.ടി.എന്‍.എല്‍ നെറ്റ് വര്‍ക്കുകളിലേക്ക് വിളിക്കാനാണ് ഉപഭോക്താക്കളില്‍ നിന്ന് ഐഡിയ അധിക തുക വാങ്ങിയതായി കണ്ടെത്തിയത്. പരാതിക്ക് ആസ്പദമായ സംഭവം നടന്നത് 2005 മേയ് മാസം മുതല്‍ 2007 ജനുവരിയുള്ള കാലയളവിലാണ്.
അനധികൃതമായി പണം വാങ്ങിയത് മഹാരാഷ്‌ട്ര, പശ്ചിമബംഗാള്‍, തമിഴ്നാട്, ഉത്തര്‍പ്രദേശ് എന്നീ സംസ്ഥാനങ്ങിലാണ്. ഈ സംസ്ഥാനങ്ങള്‍ക്കകത്ത് നിന്നുള്ള കോളുകള്‍ ലോക്കല്‍ കോളുകളായി കണക്കാക്കുന്നതിന് പകരം അധികം പണം വാങ്ങിയെന്നാണ് തെളിഞ്ഞത്.
പ്രതികരിക്കാൻ ഇവിടെ എഴുതുക: