കുട്ടികളുടെ പുസ്തകോത്സവം നാളെ മുതല്‍

കൊച്ചി: അന്താരാഷ്‌ട്ര പുസ്തകോത്സവ സമിതിയുടെ ആഭിമുഖ്യത്തില്‍ പത്താമത് കുട്ടികളുടെ പുസ്തകോത്സവം നാളെ ആരംഭിക്കും. എറണാകുളം കലൂര്‍ സെന്റ് അഗസ്റ്റിന്‍സ് ഹൈസ്‌കൂളില്‍ നടക്കുന്ന ചടങ്ങ് പ്രൊഫ. എം.കെ. സാനു ഉദ്ഘാടനം ചെയ്യും. നോര്‍ക്ക ഡയറക്ടര്‍ ഡോ. കെ.എന്‍. രാഘവന്‍ അധ്യക്ഷനാകും. സിവില്‍ സര്‍വ്വീസ് റാങ്ക് ജേതാവ് സിദ്ധാര്‍ഥിനെ ആദരിക്കും. പുസ്തകോത്സവത്തോടനുബന്ധിച്ച് കുട്ടികളുടെ കഥാ, കവിതാ, ലേഖന പ്രദര്‍ശനവും സംഘടിപ്പിക്കുന്നുണ്ട്.

ജില്ലാതലത്തില്‍ ഒന്നും രണ്ടും മൂന്നും സ്ഥാനം ലഭിക്കുന്ന വിദ്യാലയത്തിനു യഥാക്രമം 5000, 3000,1000 രൂപയുടെ പുസ്തകങ്ങളും സര്‍ട്ടിഫിക്കറ്റും ട്രോഫിയും ലഭിക്കും. കേരളത്തിലെ മികച്ച വിദ്യാലയത്തിനു 10000 രൂപയുടെ പുസ്തകങ്ങളും എ.പി.ജെ. അബ്ദുള്‍കലാം സ്മാരക എവര്‍റോളിംഗ് ട്രോഫിയും ലഭിക്കും. 21-ാമത് കൊച്ചി അന്താരാഷ്‌ട്ര പുസ്തകോത്സവവേദിയില്‍ സമ്മാനദാനം നിര്‍വഹിക്കും.