വൈപ്പിന്‍ : വിവാഹ വാഗ്ദാനം നടത്തി പതിനെട്ടുകാരിയെ പീഡിപ്പിച്ച 19 കാരന്‍ അറസ്റ്റില്‍. പറവൂര്‍ നീണ്ടൂര്‍ കടേപ്പറമ്പില്‍ ശ്രീയേഷ് ആണ് അറസ്റ്റിലായത്.
ഞാറക്കല്‍ സ്വദേശിയായ പെണ്‍കുട്ടിയുമായി നാലു മാസം മുമ്പാണ് യുവാവ് പരിചയപ്പെടുന്നതെന്ന് പോലീസ് പറഞ്ഞു. ഇതിനു ശേഷം വിവാഹം ചെയ്യാമെന്ന് യുവതിക്ക് ഉറപ്പ് നല്‍കി. പിന്നീട് ഞാറക്കല്‍ കടപ്പുറത്ത് കൊണ്ടുപോയി പീഡിപ്പിച്ചുവെന്നാണ് പരാതി.
ഞാറക്കല്‍ സിഐയ്‌ക്ക് യുവതി നല്‍കിയ പരാതിയുടെ അടിസ്ഥാനത്തിലാണ് കേസ്. പറവൂരിലെ ഒരു ടെക്‌സറ്റൈല്‍ സ്ഥാപനത്തില്‍ സെയില്‍സ്മാനായ പ്രതിയെ പറവൂരില്‍ നിന്നും സിഐ കെ.ഉല്ലാസ് ആണ് അറസ്റ്റ് ചെയ്തത്. ഞാറക്കല്‍ ഫസ്റ്റ് ക്ലാസ് മജിസ്‌ട്രേറ്റ് കോടതിയില്‍ ഹാജരാക്കിയ പ്രതിയെ റിമാന്റ് ചെയ്തു.
പ്രതികരിക്കാൻ ഇവിടെ എഴുതുക: