കോഴഞ്ചേരി: ബിജെപിയുടെ നേതൃത്വത്തില്‍ ആറന്മുളയില്‍ നടന്ന പ്രതിഷേധ പ്രകടനത്തിനിടയിലേക്ക് ആറന്മുള പോലീസ് സ്റ്റേഷനിലെ ജീപ്പ് ഓടിച്ചുകയറ്റി പ്രകോപനം സൃഷ്ടിക്കുവാന്‍ ശ്രമിച്ചതായി പരാതി.
ആറന്മുള അയ്യന്‍കോയിക്കല്‍ ജംഗ്ഷനില്‍ നിന്നും പ്രകടനം ആറന്മുളയിലേക്ക് തിരുച്ചു വരുന്ന വഴി കാനറ ബാങ്കിന് സമീപത്തെ റോഡില്‍വെച്ചാണ് പ്രബേഷന്‍ എസ്‌ഐ സഞ്ചരിച്ച പോലീസ് വാഹനം പ്രവര്‍ത്തകരുടെ ഇടയിലൂടെ ഓടിച്ചുകയറ്റാന്‍ ശ്രമിച്ചത്.
ഇതില്‍ പ്രതിഷേധിച്ച് ബിജെപി പരിവാര്‍ സംഘടനകള്‍ ആറന്മുള പോലീസ് സ്‌റ്റേഷന്‍ ഉപരോധിച്ചു. ഉപരോധ സമരം ബാബു കുഴിക്കാല ഉദ്ഘാടനം ചെയ്തു. പി. സുരേഷ് കുമാര്‍, അപ്പുക്കുട്ടന്‍ നായര്‍, രാഗേഷ്, രാജീവ് പി.വി. തുടങ്ങിയവര്‍ സംസാരിച്ചു. പോലീസിന്റെ ഖേദപ്രകടനത്തോടെയാണ് ഉപരോധ സമരം അവസാനിപ്പിച്ചത്.
പ്രതികരിക്കാൻ ഇവിടെ എഴുതുക: