മണ്ണാര്‍ക്കാട്: അലനല്ലൂര്‍ കുളപറമ്പില്‍ നിന്നും കാര്‍തട്ടിയെടുത്തകേസില്‍ മൂന്നുപേര്‍ പിടിയില്‍.
ഒന്നാംപ്രതി മേലെ അരിയൂര്‍ കെ.നൗഷാദ്(33), അമ്പാഴക്കോട് അബ്ദുള്‍സലീം(24), കോട്ടോപ്പാടം തലടിപ്പറമ്പില്‍ശാന്തിഭൂഷണ്‍(30) എന്നിവരാണ് പിടിയിലായത്.
കഞ്ചിക്കോട്- മണ്ണാര്‍മല യാത്രക്കിടെ പടിഞ്ഞാറേതില്‍വീട്ടില്‍ ഷഹാദിന്റെ കാറാണ് തട്ടിയെടുത്തത്. 22ന് രാത്രിയായിരുന്നു കേസിനാസ്പദമായ സംഭവം.
ഷഹാദിന്റെ കാറില്‍ ഇന്നോവയിലെത്തിയ പ്രതികള്‍ ഇടിക്കുകയും, നഷ്ടപരിഹാരമായി രണ്ടുലക്ഷം രൂപവേണമെന്ന് ആവശ്യപ്പെടുകയും ചെയ്തു. ഇത് നിരസിച്ചതിനെ തുടര്‍ന്ന് ഷഹാദിന്റെ കാറുമായി കടന്നുകളയുകയായിരുന്നു.
മണ്ണാര്‍ക്കാട് സിഐ ഹിദായത്തുള്ള മാമ്പ്ര, നാട്ടുകല്‍ എസ്‌ഐ വി.എസ്.മുരളീധരന്‍, എഎസ്‌ഐ റോയ് ജോര്‍ജ്ജ്, ശ്യാംകുമാര്‍, ഷാഫിസഹദ് എന്നിവരടങ്ങിയ പോലീസ് സംഘമാണ് പ്രതികളെ പിടികൂടിയത്.
പ്രതികരിക്കാൻ ഇവിടെ എഴുതുക: