ശബരിമല: നെല്‍ക്കതിര്‍ അച്ചന്‍കോവില്‍നിന്നും

പത്തനംതിട്ട: ശബരിമലയിലെ നിറപുത്തരി ആഘോഷത്തിനുള്ള നെല്‍ക്കതിര്‍ 29 ന് അച്ചന്‍കോവില്‍ ശാസ്താ ക്ഷേത്രത്തില്‍ നിന്നും എത്തിക്കും. 29 ന് രാവിലെ 5ന് അച്ചന്‍കോവിലില്‍ നിന്ന് നെല്‍ക്കറ്റകളുമായുള്ള ഘോഷയാത്ര ആരംഭിക്കും.ആര്യങ്കാവ് ,പുനലൂര്‍ ശ്രീകൃഷ്ണസ്വാമി ക്ഷേത്രം ,നെല്ലിപ്പള്ളി ശിവക്ഷേത്രം ,പുന്നല ശിവക്ഷേത്രം ,പത്തനാപുരം കവല ഭഗവതി ക്ഷേത്രം ,കലഞ്ഞൂര്‍ മഹാദേവ ക്ഷേത്രം ,പത്തനംതിട്ട ശാസ്താ ക്ഷേത്രം, ഊരമ്മന്‍ കോവില്‍,മാടമണ്‍ ഋഷീകേശ ക്ഷേത്രം,പെരുനാട് ശാസ്താ ക്ഷേത്രം നിലയ്‌ക്കല്‍ ശിവക്ഷേത്രം എന്നിവിടങ്ങളിലെ സ്വീകണത്തിന് ശേഷം വൈകിട്ട് പമ്പയില്‍ എത്തിച്ചേരും .അവിടെ നിന്നും ഭക്തജനങ്ങള്‍ നെല്‍ക്കറ്റകള്‍ തലച്ചുമടായി ശബരിമല സന്നിധാനത്തെത്തിക്കും. 30 ന് ആണ് ശബരിമല നിറപുത്തരി.നിറപുത്തരി ആഘോഷത്തിനായി 29 ന് വൈകിട്ട് 5 ന് നട തുറക്കും