ഒറ്റപ്പാലം: പനമണ്ണയില്‍ വീടിനുമുന്നില്‍ നിര്‍ത്തിയിട്ടുരുന്ന സ്വകാര്യ ബസ് കത്തി നശിച്ചു.
മച്ചിങ്കല്‍ത്തൊടി കുട്ടി മൊയ്തുവിന്റെ ഉടമസ്ഥതയിലുളള ഒറ്റപ്പാലം-ചെര്‍പ്പുള്ളശ്ശേരി റൂട്ടിലോടുന്ന എംടികെ ബസാണുപൂര്‍ണമായും കത്തിനശിച്ചത്. ഇന്നലെ പുലര്‍ച്ചെ രണ്ടു മണിയോടെയാണു സംഭവം. ബസ് കത്തുന്നതു കണ്ട് അതുവഴിവന്ന യാത്രക്കാര്‍ വീട്ടുകാരെ വിവരം അറിയിക്കുകയായിരുന്നു. പോലീസും, ഫയര്‍ഫോഴ്‌സും സ്ഥലത്തെത്തിയെങ്കിലും ബബസിന് പൂര്‍ണമായും തീപിടിച്ചിരുന്നു. ബസിനു തീപ്പിടിച്ചതു സംബന്ധിച്ച് അന്വേഷണം നടത്തുമെന്ന് ഒറ്റപ്പാലം പോലീസ് അറിയിച്ചു.
പ്രതികരിക്കാൻ ഇവിടെ എഴുതുക: