വടക്കഞ്ചേരി: പാലക്കുഴിയിലെ കൊലപാതകവുമായി ബന്ധപ്പെട്ട് നാലു പേര്‍ അറസ്റ്റില്‍.കിഴക്കഞ്ചേരി പാലക്കുഴികാര കുന്നേല്‍ വീട്ടില്‍ രാഘവന്‍പിള്ളയുടെ മകന്‍ സുകുമാരന്‍ (52) ആണ് ഞായറാഴ്ച വൈകുന്നേരം അയല്‍വാസികള്‍ തമ്മിലുള്ള തര്‍ക്കത്തിനിടെ വെട്ടേറ്റ് മരിച്ചത്.
സംഭവുമായി ബന്ധപ്പെട്ട് പാലക്കുഴികല്‍ക്കുഴി ഗംഗാധരന്‍ (48), ഇയാളുടെ സഹോദരന്‍മൂലങ്കോട് അങ്ങൂട് വീട്ടില്‍ ഉണ്ണികൃഷ്ണന്‍ (45), അമ്പിട്ടന്‍ തരിശ് നാവിളിന്‍ ചോല മോഹനന്‍ (45), പാലക്കുഴികല്‍ക്കുഴി കുളത്തിങ്കല്‍ അനില്‍ കുമാര്‍ (33) എന്നിവരെയാണ് വടക്കഞ്ചേരി പോലീസ് അറസ്റ്റ് ചെയ്തത്. കൊല്ലപ്പെട്ട സുകുമാരനും അയല്‍വാസി ഗംഗാധരനും തമ്മില്‍ നിരന്തരം വഴക്കുണ്ടാവാറുണ്ട്.
ഞായറാഴ്ച ഉണ്ടായ തര്‍ക്കമാണ് കൊലപാതകത്തില്‍ കലാശിച്ചത്. ഗംഗാധരനാണ് സുകുമാരനെ വെട്ടിയതെന്ന് പോലീസിനോട് സമ്മതിച്ചു. മറ്റു പ്രതികളും ഇയാളെ സഹായിച്ചതായി പോലീസ് പറഞ്ഞു. പ്രതികളെ കോടതിയില്‍ ഹാജരാക്കി റിമാന്റ് ചെയ്തു.
വടക്കഞ്ചേരി സിഐ പി.എസ്.സുനില്‍കുമാര്‍, എഎസ്‌ഐ എം.സി.ഗോപകുമാര്‍, സിപിഒമാരായ സെബാസ്റ്റ്യന്‍, ജുനിത, എസ്.ഷിബിന്‍ എന്നിവരുടെ നേതൃത്വത്തിലുള്ള സംഘമാണ് പ്രതികളെ അറസ്റ്റ് ചെയ്തത്.
പ്രതികരിക്കാൻ ഇവിടെ എഴുതുക: