‘മെല്ലെ’യിലെ ഗാനങ്ങൾ റിലീസ് ചെയ്തു. ഡോ. ഡൊണാൾഡ് മാത്യു ഈണം പകർന്ന മൂന്ന് ഗാനങ്ങളും വിജയ് ജേക്കബിന്റെ ഒരു ഗാനവുമാണ് ആൽബത്തിലുള്ളത്. ശ്വേതാ മോഹന്‍, വിജയ് യേശുദസ്, ഡൊണാള്‍ഡ് മാത്യു, വൈക്കം വിജയലക്ഷ്മി എന്നിവര്‍ ഗാനം ആലപിച്ചിരിക്കുന്നു. രാജീവ് ആലുങ്കലും സന്തോഷ് വര്‍മ്മയുമാണ് ഗാനങ്ങള്‍ രചിച്ചത്.
നവാഗതനായ ബിനു ഉലഹന്നാൻ തിരക്കഥയെഴുതി സംവിധാനം ചെയ്യുന്ന മെല്ലെയില്‍ അമിത് ചക്കാലക്കൽ, തനൂജ കാർത്തിക്, ജോജു ജോർജ്, ജോയ് മാത്യു, പി ബാലചന്ദ്രൻ, വിവേക് ഭാസ്‌ക്കർ ഹരിദാസ് എന്നിവർ പ്രധാന കഥാപാത്രങ്ങളെ അവതരിപ്പിക്കുന്നു.
ഛായാഗ്രഹണം സന്തോഷ് അനിമയും ചിത്രസംയോജനം സുനീഷ് സെബാസ്റ്യനുമാണ് നിർവഹിച്ചിരിക്കുന്നത്. പശ്ചാത്തല സംഗീതം വിജയ് ജേക്കബിന്റേതാണ്. മ്യൂസിക്247നാണ് ഒഫീഷ്യൽ മ്യൂസിക് പാർട്ണർ. ജോണി സി ഡേവിഡ് ആണ് ത്രിയേക പ്രൊഡക്ഷൻസിന്റെ ബാനറിൽ ചിത്രം നിർമിച്ചിരിക്കുന്നത്.
പ്രതികരിക്കാൻ ഇവിടെ എഴുതുക: