കൊച്ചിയില്‍ ദ്വിദിന ജിഎസ്ടി ദേശീയ സമ്മേളനം പുല്ലേര നാഗേശ്വര റാവു ഉദ്ഘാടനം ചെയ്യുന്നു. ജോയി പി ടി, റോയി വര്‍ഗീസ്, സുരേഷ് ടി എന്‍, രഞ്ജിത്ത് വാര്യര്‍, ജോമോന്‍ കെ ജോര്‍ജ്, ലൂക്കോസ് ജോസഫ്, ബാബു എബ്രഹാം കള്ളിവയലില്‍,
ജെ കെ മിത്തല്‍, ജേക്കബ് കോവൂര്‍, ജേക്കബ് എബ്രഹാം, അനില്‍ പി, ശ്രീനിവാസന്‍ പി ആര്‍, പൗലോസ് പോള്‍ എന്നിവര്‍ സമീപം
കൊച്ചി: ജൂലൈ ഒന്നിന് ജി എസ് ടി നിലവില്‍ വരുമെന്നതിന് യാതൊരു സംശയവുമില്ലെന്ന് ഇന്‍സ്റ്റിറ്റ്യൂട്ട് ഓഫ് ചാര്‍ട്ടേഡ് അക്കൗണ്ടന്റ്‌സ് ഓഫ് ഇന്ത്യ (ഐ സി എ ഐ) ന്യൂദല്‍ഹിയുടെ പരോക്ഷ നികുതി കമ്മിറ്റിയുടെ ആഭിമുഖ്യത്തില്‍ എറണാകുളം ശാഖയുടെ ആതിഥേയത്വത്തില്‍ കലൂല്‍ ഐ എം എ ഹൗസില്‍ നടത്തുന്ന ദ്വിദിന ദേശീയ സമ്മേളനം സെന്‍ട്രല്‍ എക്‌സൈസ്, കസ്റ്റംസ് & സര്‍വീസ് ടാക്‌സ് കേരള സോണ്‍ ചീഫ് കമ്മീഷണറായ ശ്രീ പുല്ലേല നാഗേശ്വര റാവു ഉദ്ഘാടനം ചെയ്തു.
ജി എസ് ടി നടപ്പിലാക്കുന്നതില്‍ ചാര്‍ട്ടേഡ് അക്കൗണ്ടന്റുമാര്‍ക്ക് വളരെയധികം പ്രാധാന്യമുണ്ടെന്നും അദ്ദേഹം വ്യക്തമാക്കി. ഐ സി എ ഐ കേന്ദ്ര കമ്മിറ്റി അംഗം ബാബു എബ്രഹാം കള്ളിവയലില്‍ ദക്ഷിണേന്ത്യന്‍ കൗണ്‍സില്‍ അംഗം ജോമോന്‍ കെ ജോര്‍ജ്, ഐ സി എ ഐ എറണാകുളം ശാഖ ചെയര്‍മാന്‍ ലൂക്കോസ് ജോസഫ, സെക്രട്ടറി ജേക്കബ് കോവൂര്‍ എന്നിവര്‍ സംസാരിച്ചു. അഡ്വ. ജെ കെ മിത്തല്‍, എബ്രഹാം റെന്‍ എന്നിവര്‍ പ്രബന്ധങ്ങള്‍ അവതരിപ്പിച്ചു.
ഇന്ന് ഇന്‍പുട്ട് ക്രെഡിറ്റ് ടാക്‌സ്, റിവേഴ്‌സ് ചാര്‍ജ് മെക്കാനിസം, ആന്റി പ്രോഫിറ്റിയറിംഗ് & ട്രാന്‍സിഷനല്‍ പ്രൊവിഷന്‍സ്, ജിഎസ്ടി യുടെ കീഴിലുള്ള സാധനങ്ങളുടെയും സേവനങ്ങളുടെയും വര്‍ഗീകരണം തുടങ്ങിയ വിഷയങ്ങളാണ് സമ്മേളനത്തില്‍ ചര്‍ച്ച ചെയ്യപ്പെടുക. അഡ്വ. ഷൈലേഷ് പി ഷേത്ത്, അഡ്വ. വി രഘുരാമന്‍ എന്നിവര്‍ വിഷയങ്ങള്‍ കൈകാര്യം ചെയ്യും.
പ്രതികരിക്കാൻ ഇവിടെ എഴുതുക: