ആലത്തൂര്‍: മില്‍മ മലബാര്‍ മേഖലാ യൂണിയന്റെ വാര്‍ഷിക പൊതുയോഗം ചെയര്‍മാന്‍ പി.ടി. ഗോപാലക്കുറുപ്പ് ഉദ്ഘാടനം ചെയ്തു മേഖലാ യൂണിയന്‍ ചെയര്‍മാന്‍ കെ. എന്‍. സുരേന്ദ്രന്‍ അധ്യക്ഷത വഹിച്ചു.
ജില്ലാതല അവാര്‍ഡുകളും മില്‍മ ചെയര്‍മാന്‍ പി.ടി.ഗോപാലക്കുറുപ്പ് വിതരണം ചെയ്തു. ഏറ്റവും മികച്ച ക്ഷീര കര്‍ഷകയ്‌ക്കുള്ള അവാര്‍ഡ് പുളിയംപ്പുള്ളി ക്ഷീര സംഘത്തിലെ സൗദ ഉമ്മയും, ഏറ്റവും മികച്ച ബി.എംസി സംഘത്തിനുള്ള അവാര്‍ഡ് ആര്‍.വി.പി.പുതൂര്‍ ക്ഷീര സംഘത്തിന്റെ സെക്രട്ടറി കോകിലയും, മികച്ച ക്ഷീര സംഘത്തിനുള്ള അവാര്‍ഡ് കല്ലങ്ങാട് ക്ഷീരസംഘം പ്രസിഡന്റ് അബ്ദുള്‍ ഖാദര്‍, സെക്രട്ടറി അനില്‍കുമാര്‍ എന്നിവരും ഏറ്റുവാങ്ങി.
ക്ഷീരകര്‍ഷനുള്ള അവാര്‍ഡ് പൂലോടി ക്ഷീര സംഘത്തിലെ രവികുമാറും. ബി.എം.സി സംഘത്തിനുള്ള അവാര്‍ഡ് കോഴിപ്പാറസംഘം പ്രസിഡന്റ് ദേവസഹായവും സെക്രട്ടറി ജമീലയും സംഘത്തിനുള്ള അവാര്‍ഡ് കളപ്പട്ടി ക്ഷീരസംഘത്തിന്റെ പ്രസിഡന്റ് വി കൃഷ്ണനും സെക്രട്ടറി ശാന്തകുമാരിയും ചേര്‍ന്ന് ഏറ്റുവാങ്ങി.
യോഗത്തില്‍ മില്‍മ മാനേജിംഗ് ഡയറക്ടര്‍ ഇന്‍ ചാര്‍ജ് വി.എന്‍. കേശവന്‍,ഗംഗാധരന്‍, അച്ച്യുതന്‍, രാജമാണിക്യം, സച്ചിദാനന്ദ ഗോപാലകൃഷ്ണന്‍, മണി, വിശ്വംഭരന്‍,് ചിന്നദുരൈ,് നാരായണന്‍ കുട്ടി, നാപ്പക്കുട്ടി,ആര്‍. സുരേഷ് എന്നിവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: