പനമരം :ഇനിയുമൊരു മഹായുദ്ധം ലോകത്തിന് താങ്ങാന്‍ കഴിയില്ലെന്നും യുദ്ധത്തിനായി തയ്യാറെടുത്തുകൊണ്ടിരിക്കുന്ന രാഷ്‌ട്രങ്ങള്‍ അതില്‍ നിന്ന് പിന്‍മാറണമെന്നും ശിവഗിരിമഠം ഗുരുധര്‍മ്മ പ്രചരണ സഭ കേണിച്ചിറ ടൗണില്‍ സംഘടിപ്പിച്ച പ്രാര്‍ത്ഥനാ സന്ധ്യ ഉദ്ഘാടനം ചെയ്തുകൊണ്ട് ജില്ലാ സെക്രട്ടറി സി.കെ.ദിവാകരന്‍ അഭിപ്രായപ്പെട്ടു. അമേരിക്കയ്‌ക്കും , ഉത്തരകൊറിയയ്‌ക്കിടയിലും ഇന്ത്യാപാക് അതിര്‍ത്തിയിലും യുദ്ധസമാനമായ സാഹചര്യം നിലനില്‍ക്കുന്നത് അത്യന്തം ആശങ്കാജനകമാണ്.ലോകരാഷ്‌ട്രത്തലവന്‍മാരും, ഐക്യരാഷ്‌ട്രസഭയും യുദ്ധം ഒഴിവാക്കുവാന്‍ മുന്‍കൈ എടുക്കണമെന്നും പ്രാര്‍ത്ഥനായോഗം ആവശ്യപ്പെട്ടു. ജില്ലാ പ്രസിഡന്റ് സി.കെ.മാധവന്‍ അദ്ധ്യക്ഷതവഹിച്ചു. കെ.ആര്‍.സദാനന്ദന്‍, കെ.ആര്‍.ഗോപി,പി.ഇ.നാരായണന്‍, സോമന്‍ കണിയാരം, എന്‍.എന്‍. ശിവന്‍, സഹദേവന്‍ വാളവയല്‍, സി.കെ.ദേവകി നേതൃത്വം നല്‍കി.
Wednesday, January 15, 2025
ഇനിയൊരു യുദ്ധം വേണ്ട: ഗുരുധര്‍മ്മ പ്രചരണ സഭ
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: