ബിവറേജ്​ സമരക്കാർക്ക്​ ജാമ്യം

മാനന്തവാടി: കഴിഞ്ഞദിവസം മാനന്തവാടി ബീവറേജ് മദ്യഷാപ്പ് ഉപരോധിച്ചതിന്​ അറസ്​റ്റിലായ വര്‍ക്ക് ​ ജാമ്യം ലഭിച്ചു. മേഴ്സിമാർട്ടിൻ, മാക്ക പയ്യംപള്ളി, മുണ്ടത്തി അമ്മ, മാധവി, ചിട്ടാങ്കി, സുശീല, കമല, ബിന്ദു, ശീജിത്ത് എന്നിവർക്കാണ് മാനന്തവാടി ഫസ്​റ്റ്​ ക്ലാസ് മജിസ്​ട്രേട്ട് ഉപാധികളോടെ ജാമ്യം അനുവദിച്ചത്. മാനന്തവാടി മദ്യഷാപ്പ് മാറ്റണമെന്ന് ആവശ്യപെട്ട് ഇവർ 430  ദിവസമായി സമരത്തിലാണ്​. ഞായറാഴ്ച മദ്യഷാപ്പ് ഉപരോധിച്ചതി​െന തുടർന്നാണ്​ പത്തോളം സമരസമിതി പ്രവർത്തകരെ മാനന്തവാടി പൊലീസ് അറസ്​റ്റ്​ ചെയ്​തത്. ഇതിൽ സ്ത്രികളായ ഒൻപതു പേരെ വൈത്തിരി സബ്ജയിലിലും ഒരാളെ മാനന്തവാടി ജയിലേക്കുമാണ് മാറ്റിയത്.  ജയിൽ മോചിതരായവരെ ജയിൽ കവാട പരിസരത്ത് മദ്യനിരോധന സമിതി പ്രവർത്തകർ സ്വീകരിച്ചു. സ്വികരണ പരിപാടിയിൽ ജഷീർ പള്ളിവയൽ, കെ.കെ. മുജീബ് റഹ്​മാൻ, ജെയിംസ് തോമസ്, എ.ജി. അനീഷ്, ജാസ്മിൻ വട്ടത്ത് വയൽ, ടി. ഖാലിദ്, മേഴ്സി മാർട്ടിൻ, മാക്ക എന്നിവർ സംസാരിച്ചു.