കോന്നി: കള്‍ച്ചറല്‍ ഫോറത്തിന്റെ ആഭിമുഖ്യത്തില്‍ ഡിസംബര്‍ 22 മുതല്‍ ജനുവരി ഒന്നുവരെ കോന്നി ഫെസ്റ്റ് 2016 വ്യാപാര, വിജ്ഞാന കലാമേള സംഘടിപ്പിക്കും.
മേളയില്‍ 100ല്‍ പരം വ്യവസായ സ്റ്റാളുകളും പുഷ്പമേളയും എല്ലാദിവസവും വൈകുന്നേരം വിവിധ കലാപരിപാടികളും ഉണ്ടാകും. പകല്‍ സമയങ്ങളില്‍ വിവിധ സെമിനാറുകള്‍, കുട്ടികള്‍ക്കായുള്ള വിവിധ മത്സരങ്ങള്‍ തുടങ്ങിയവ മേളയുടെ ഭാഗമായുണ്ടാകും. 25നു രാത്രി സാന്താക്ലോസ് സംഗമം, പുതുവര്‍ഷ വരവേല്‍പ് തുടങ്ങിയവ മേളയെ ആകര്‍ഷകമാക്കും. അമ്യൂസ്‌മെന്റ് പാര്‍ക്ക് പൂര്‍ണമായും ഒഴിവാക്കി കുട്ടികള്‍ക്കായുള്ള വിനോദമാര്‍ഗങ്ങള്‍ ഉള്‍പ്പെടുത്തിയാണ് മേള സംഘടിപ്പിക്കുന്നന്.
ബ്ലോക്ക് പഞ്ചായത്ത് പ്രസിഡന്റ് കോന്നിയൂര്‍ പി.കെയുടെ അധ്യക്ഷതയില്‍ കൂടിയ ആലോചനായോഗം അടൂര്‍ പ്രകാശ് എംഎല്‍എ ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡന്റ് റോബിന്‍ പീറ്റര്‍, കോന്നിയൂര്‍ ബാലചന്ദ്രന്‍, കെ.കെ. നെഹ്‌റു, ഗിരീഷ് കളഭം, എ.ആര്‍. രാജേഷ്, എം. രജനി, എലിസബേത്ത് അബു, കെ.ജി. അനിത, ബിനിലാല്‍, എസ്. സന്തോഷ് കുമാര്‍, കെ. വിശ്വംഭരന്‍ തുടങ്ങിയവര്‍ പ്രസംഗിച്ചു.
പ്രതികരിക്കാൻ ഇവിടെ എഴുതുക: