ഉദുമ: ബേക്കല്‍ പള്ളിക്കര മേല്‍പ്പാലത്തിന്റെ ടോള്‍ പിരിവ് അവസാനിപ്പിക്കുക എന്ന ആവശ്യവുമായി യുവമോര്‍ച്ച നടത്തുന്ന അനിശ്ചിത കാല സമരത്തിന്റെ ഭാഗമായി ടോള്‍ ലംഘനത്തിന് വേണ്ടിയുള്ള ആഹ്വാനവുമായി ‘ടോള്‍ ലംഘന’ സമരം നടത്തി.
വര്‍ഷങ്ങളായി തുടരുന്ന ടോള്‍ പിരിവിനെതിരെ യുവമോര്‍ച്ച നടത്തുന്ന സമരത്തിന്റെ ഭാഗമായാണ് ഈ സമരം. ടോള്‍ പിരിവിന്റെ പേരില്‍ നടക്കുന്ന പകല്‍ കൊള്ളയ്‌ക്കെതിരായി വരും ദിവസങ്ങളില്‍ കൂടുതല്‍ ശക്തമായ സമര പരിപാടികളുമായി യുവമോര്‍ച്ച മുന്നോട്ട് പോകും.
പരിപാടിയുടെ ഉദ്ഘാടനം യുവമോര്‍ച്ച സംസ്ഥാന മീഡിയ സെല്‍ കണ്‍വീനര്‍ വിജയകമാര്‍ റൈ നിര്‍വ്വഹിച്ചു. യുവമോര്‍ച്ച ജില്ല ജനറല്‍ സെക്രട്ടറി രാജേഷ് കൈന്താര്‍ അദ്ധ്യക്ഷത വഹിച്ചു. ബിജെപി ജില്ല വൈസ് പ്രസിഡന്റ് നഞ്ചില്‍ കുഞ്ഞിരാമന്‍, മീഡിയ സെല്‍ കണ്‍വീനര്‍ വൈ കൃഷ്ണദാസ്, ഉദുമ മണ്ഡലം പ്രസിഡന്റ് കെ ടി പുരുഷോത്തമന്‍, യുവമോര്‍ച്ച ജില്ല പ്രസിഡന്റ് പി.ആര്‍ സുനില്‍, ജനറല്‍ സെക്രട്ടറി ധനജ്ഞയന്‍ മധൂര്‍, കീര്‍ത്തന്‍, അഞ്ജു, പ്രമീള, രാധിക, ജയകൃഷ്ണന്‍, മണ്ഡലം പ്രസിഡന്റ് പ്രദീപ് എം കൂട്ടക്കനി തുടങ്ങിയവര്‍ സംബന്ധിച്ചു.
പ്രതികരിക്കാൻ ഇവിടെ എഴുതുക: