ജിറാഫിനൊപ്പം ഒരു കിടിലൻ സെൽഫി!

ലണ്ടൻ: കിഴക്കൻ ലണ്ടനിൽ നിന്നും സൗത്താഫ്രിക്കയിലേക്ക് സഞ്ചാരത്തിനായിട്ടിറങ്ങിയതാണ് സൂസന്ന. യാത്രകൾ ഏറെ ഇഷ്ടപ്പെടുന്ന സൂസന്നയുടെ ചിത്രങ്ങളും വീഡിയോകൾക്കും അവരുടെ നവമാധ്യമങ്ങളിൽ ആരാധകർ ഏറെയാണ്. ഇപ്പോൾ സൂസന്ന പോസ്റ്റ് ചെയ്ത ഒരു സെൽഫി വീഡിയോ എല്ലാവരിലും കൗതുകമുണർത്തുമെന്ന് ഉറപ്പ്.

സൗത്താഫ്രിക്കയിലെത്തിയ സൂസന്ന കാഴ്ചകൾ കണ്ട് നടക്കുന്നതിനിടയിലാണ് ജിറാഫിനെ കാണുന്നത്. അടുത്തു ചെന്നാൽ ഓടിപ്പോകുമെന്ന് അറിയാമെങ്കിലും സൂസന്ന ജിറാഫിന്റെ അടുത്തെത്തി. പക്ഷേ സൂസന്നയ്‌ക്ക് ആശ്ചര്യം നൽകി ജിറാഫ് അവരുടെ സമീപത്ത് എത്തി. തന്റെ കൈകളിൽ ഉണ്ടായിരുന്ന മൊബൈൽ ഫോണിൽ സെൽഫി എടുക്കാനും അവർ തുടങ്ങി.

അതിശയമെന്നോണം ജിറാഫ് സൂസന്നയുടെ മുഖത്തിനു സമീപം തലയുമായിട്ടെത്തി. പിന്നീട് തന്റെ സ്നേഹം ജിറാഫ് സൂസന്നയോട് ചേഷ്ടകളിലൂടെ വ്യക്തമാക്കുകയും ചെയ്തു. ചിരിയടക്കാൻ കഴിയാതെ താനും നിന്നെ സ്നേഹിക്കുന്നു എന്ന് സൂസന്ന ജിറാഫിനോടായി പറയുന്നുണ്ട്. മിണ്ടാപ്രാണിയായ ഒരു സാധു മൃഗത്തിന്റെ സ്നേഹം അളക്കാനാ കാത്തവിധമാണെന്ന് സൂസന്ന ഫേസ്‌ബുക്കിൽ കുറിച്ചിട്ടു.