പുങ്ങംചാല്‍: സിപിഎമ്മിന്റെ അക്രമ രാഷ്‌ട്രീയവും അഴിമതി ഭരണവും കേരളത്തെ നശിപ്പിക്കുമെന്ന് ബിജെപി സംസ്ഥാന സമിതിയംഗം എം.വി.കേശവന്‍ പറഞ്ഞു. ബിജെപി വെസ്റ്റ് എളേരി പഞ്ചായത്ത് കമ്മറ്റി പുങ്ങംചാലില്‍ സംഘടിപ്പിച്ച രാഷ്‌ട്രീയ വിശദീകരണ യോഗം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. അഴിമതിയുടെ കാര്യത്തില്‍ സിപിഎമ്മും കോണ്‍ഗ്രസും ഓരേ നാണയത്തിന്റെ രണ്ട് വശങ്ങളാണ്. അഴിമതിയില്‍ മുങ്ങിയ സിപിഎം പാര്‍ട്ടി അറിഞ്ഞു കൊണ്ട് നടത്തിയ ബന്ധുജന നിയമനത്തില്‍ ജയരാജനെ രാജിവെപ്പിച്ച് സിപിഎം നല്ലപിള്ള ചമയുകയാണ്. സിപിഎം നടത്തിക്കൊണ്ടിരിക്കുന്ന അനധികൃത നിയമനങ്ങള്‍ ജയരാജന്റെ രാജിക്കു പിന്നാലെ പുറത്തു വരികയാണ്. ബന്ധുജന നിയമനത്തെക്കുറിച്ച് സാധാരണ പാര്‍ട്ടി പ്രവര്‍ത്തകരുടെ ചോദ്യങ്ങള്‍ക്ക് മുമ്പില്‍ മറുപടി പറയാനാകാതെ നേതൃത്വം കുഴങ്ങുകയാണ്. പി.ജയരാജന്റെ രാജിയോടെ കണ്ണൂരിലെ സിപിഎമ്മിന്റെ നാളുകള്‍ എണ്ണപ്പെട്ടിരിക്കുകയാണെന്നും അദ്ദേഹം കൂട്ടിച്ചേര്‍ത്തു.
എം.എന്‍.ഗോപി അധ്യക്ഷത വഹിച്ചു. ജില്ലാ സെക്രട്ടറി വി.കുഞ്ഞിക്കണ്ണന്‍, തൃക്കരിപ്പൂര്‍ മണ്ഡലം പ്രസിഡന്റ് എം.ഭാസ്‌കരന്‍, ടി.സി.രാമചന്ദ്രന്‍, എം.ജി.വിജയകുമാര്‍, വെങ്ങാട്ട് കുഞ്ഞിരാമന്‍, എം.മഹേശ്വരി, പി.വി.വിനോദ്, ഹരികുമാര്‍, ബാബു, സി.വി.സുരേഷ്, മണി കൊന്നക്കാട്, കെ.സി.ചന്ദ്രബാബു, സുരേഷ്ബാബു തുടങ്ങിയവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: