കാസര്‍കോട്: ദേശീയോദ്ഗ്രഥനവും മതസൗഹാര്‍ദ്ദവും പരിപോഷിപ്പിക്കുന്നതിനായി സ്‌കൂള്‍ കോളേജ് യൂണിവേഴ്‌സിറ്റി തലങ്ങളിലുളള വിദ്യാര്‍ത്ഥികള്‍ക്കായി കേന്ദ്രസസര്‍ക്കാര്‍ വിഭാവന ചെയ്തതനുസരിച്ച് ഉപന്യാസ മത്സരം സംഘടിപ്പിക്കുന്നു. 20 ന് രാവിലെ 10 മണിക്ക് കാഞ്ഞങ്ങാട് വിദ്യാഭ്യാസ ജില്ലക്കാര്‍ക്കായി കാഞ്ഞങ്ങാട് ദുര്‍ഗ ഹയര്‍സെക്കണ്ടറി സ്‌കൂളിലും കാസര്‍കോട് വിദ്യാഭ്യാസ ജില്ലക്കാര്‍ക്കായി കാസര്‍കോട് ഗവ. ഹയര്‍സെക്കണ്ടറി സ്‌കൂളിലുമാണ് മത്സരം സംഘടിപ്പിക്കുന്നത്. ഒമ്പതാം തരം മുതല്‍ പ്ലസ് ടു വരെയുളളവര്‍ക്ക് മത്സരത്തില്‍ പങ്കെടുക്കാം. വിജയികളായ ആദ്യ മൂന്ന് സ്ഥാനക്കാര്‍ക്ക് ക്യാഷ് അവാര്‍ഡ് നല്‍കും. ഇത് സംബന്ധിച്ച ആലോചനായോഗം എ ഡി എം കെ അംബുജാക്ഷന്റെ അധ്യക്ഷതയില്‍ എ ഡി എമ്മിന്റെ ചേമ്പറില്‍ നടന്നു. എ ഇ ഒ മാരായ കെ പി പ്രകാശ് കുമാര്‍, കെ ശ്രീധരന്‍, കൈലാസമൂര്‍ത്തി, ടി എം സദാനന്ദന്‍, കെ എം രമാദേവി, പി രവീന്ദ്രനാഥന്‍, ഡി ഇ ഒ ഇന്‍ ചാര്‍ജ്ജ് കെ നാഗവേണി, വി ഭുവനചന്ദ്രന്‍, സി കെ നാരായണ്‍, യു കരുണാകരന്‍ എന്നിവര്‍ പങ്കെടുത്തു.
Tuesday, November 26, 2024
വിദ്യാര്‍ത്ഥികള്‍ക്ക് ഉപന്യാസ മത്സരം
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: