ലോക കാഴ്ച ദിനാചരണം ഇന്ന്

പത്തനംതിട്ട: ലോക കാഴ്ച ദിനാചരണത്തിന്റെ ജില്ലാതല ഉദ്ഘാടനം ഇന്ന് രാവിലെ 10ന് കുന്നന്താനം ഗ്രാമ പഞ്ചായത്ത് കമ്മ്യൂണിറ്റി ഹാളില്‍ നടക്കും. ജില്ലാ പഞ്ചായത്ത് വൈസ് പ്രസിഡന്റ് ജോര്‍ജ് മാമ്മന്‍ കൊണ്ടൂര്‍ ഉദ്ഘാടനം ചെയ്യും. ആരോഗ്യ-വിദ്യാഭ്യാസ സ്ഥിരം സമിതി അധ്യക്ഷ കെ.ജി അനിത അധ്യക്ഷത വഹിക്കും. മല്ലപ്പള്ളി ബ്ലോക്ക് പഞ്ചായത്ത് പ്രസിഡന്റ് ശോശാമ്മ തോമസ് സൗജന്യ നേത്രപരിശോധനാ ക്യാമ്പ് ഉദ്ഘാടനം ചെയ്യും. ഡി.എം.ഒ ഡോ.സോഫിയാ ബാനു മുഖ്യപ്രഭാഷണം നടത്തും. ആരോഗ്യ കേരളം ജില്ലാ പ്രോഗ്രാം മാനേജര്‍ ഡോ.എബി സുഷന്‍ നേത്രദാന പ്രതിജ്ഞ ചൊല്ലും. ജില്ലാ മെഡിക്കല്‍ ഓഫീസ്, ആരോഗ്യ കേരളം, മല്ലപ്പള്ളി ബ്ലോക്ക് പഞ്ചായത്ത്, കുന്നന്താനം ഗ്രാമ പഞ്ചായത്ത് എന്നിവ സംയുക്തമായാണ് പരിപാടി സംഘടിപ്പിക്കുന്നത്. രാവിലെ 10 മുതല്‍ ഉച്ചയ്‌ക്ക് ഒന്നുവരെ അന്ധതാ നിവാരണ സമിതിയുടെ സൗജന്യ നേത്രപരിശോധനാ ക്യാമ്പ് ഉണ്ടാവും.