എടരിക്കോട്: മൂച്ചിക്കല്‍-കഞ്ഞികുഴിങ്ങര റോഡിന്റെ ശോചനീയാവസ്ഥ നാട്ടുകാരെ ദുരിതത്തിലാക്കുന്നു. കുണ്ടും കുഴികളും നിറഞ്ഞ റോഡിലൂടെയുള്ള യാത്ര ദുഷ്‌കരമാണ്.
അപകടങ്ങളും ഈ റോഡില്‍ പതിവായിരിക്കുന്നു. കൂടുതലും ഇരുചക്രവാഹനങ്ങളാണ് അപകടത്തില്‍പ്പെടുന്നത്. നാട്ടുകാര്‍ റോഡ് ഗതാഗതയോഗ്യമാക്കണമെന്ന് ആവശ്യപ്പെട്ട് പഞ്ചായത്ത് അധികൃതരെ സമീപിച്ചിരുന്നു. എന്നാല്‍ യാതൊരു നടപടിയും ഉണ്ടായിട്ടില്ല. റോഡ് തകര്‍ന്നത് മൂലം ഓട്ടോറിക്ഷകള്‍ ഇതുവഴി വരാന്‍ മടിക്കുകയാണ്. വരുന്നവയാകട്ടെ അമിത ചാര്‍ജ്ജും ഈടാക്കുന്നു. പഞ്ചായത്ത് ഭരണസമിതിയുടെ അനസ്ഥക്കെതിരെ ബഹുജന പ്രക്ഷോഭം സംഘടിപ്പിക്കാനൊരുങ്ങുകയാണ് നാട്ടുകാര്‍.
പ്രതികരിക്കാൻ ഇവിടെ എഴുതുക: