തിരുവല്ല: ആഞ്ഞലിത്താനത്ത് ഗുണ്ടാ സംഘങ്ങള്‍ തമ്മില്‍ നടന്ന ഏറ്റുമുട്ടലില്‍ ഒന്‍പത് പേര്‍ക്ക് വെട്ടേറ്റു. ഒരാളുടെ നില അതീവ ഗുരുതരം. ജംഗ്ഷന് സമീപത്തെ കുരിശടിക്ക് സമീപം ഞായറാഴ്‌ച്ച രാത്രി പതിനൊന്ന് മണിയോടെ ആയിരുന്നു സംഭവം.
പ്രദേശത്തെ രണ്ട് ഗുണ്ടാ സംഘങ്ങള്‍ തമ്മില്‍ നിലനിന്നിരുന്ന കുടിപ്പകയാണ് സംഭവത്തിന് പിന്നിലെന്ന് പറയപ്പെടുന്നു. തലയ്‌ക്കും കൈയ്‌ക്കും വെട്ടേറ്റ നിലയില്‍ എറണാകുളം അമൃതാ ആശുപത്രിയില്‍ പ്രവേശിപ്പിച്ചിരിക്കുന്ന ഒരാളുടെ നില അതീവ ഗുരുതരമായി തുടരുകയാണ്. ബാക്കിയുളള എട്ടു പേര്‍ വിവിധ ആശുപത്രികളിലായി ചികില്‍സയിലാണ്.
വെട്ടേറ്റവരില്‍ അധികം പേരും നിരവധി ക്രിമിനല്‍ കേസുകളില്‍ പ്രതികളാണെന്ന് പോലീസ് പറഞ്ഞു. കീഴ്‌വായ്പൂര് പോലീസ് കേസെടുത്ത് അന്വേഷണം ആരംഭിച്ചു.
പ്രതികരിക്കാൻ ഇവിടെ എഴുതുക: