പത്തനംതിട്ട : അടൂര്‍ ഏറത്ത് എം സി റോഡില്‍ കിളിവയലിലും, വടക്കേടത്തുകാവിലുമുള്ള ഹമ്പുകള്‍ കാരണം അപകട മരണങ്ങള്‍ സംഭവിക്കുന്നതില്‍ അധികൃതരുടെ ഭാഗത്ത് നിന്നുണ്ടായ വീഴ്ചയ്‌ക്കെതിരെ സംസ്ഥാന മനുഷ്യാവകാശ കമ്മീഷന്‍ അദ്ധ്യക്ഷന്‍ ജസ്റ്റിസ് ജെ.ബി. കോശി കേസെടുത്തു.
ഇവിടെ 7 അപകടമരണങ്ങളും 50 ലധികം അപകടങ്ങളും സംഭവിച്ചിട്ടുണ്ട്. ഏനാത്ത് മുതല്‍ അടൂര്‍ വരെയുള്ള റോഡില്‍ തെരുവു വിളക്കുകള്‍ സ്ഥാപിച്ചിട്ടുണ്ടെങ്കിലും രണ്ടു വര്‍ഷമായി വിളക്കുകള്‍ കത്തിക്കാനുള്ള നടപടിയെടുത്തിട്ടില്ല. ഹമ്പുകള്‍ നിര്‍മ്മിക്കുമ്പോള്‍ അശാസ്ത്രീയമായതിനാല്‍ പലപ്പോഴും ജീവഹാനി സംഭവിക്കുന്നുണ്ടെന്നും ഉത്തരവില്‍ പറയുന്നു.
കേസ് മാര്‍ച്ച് 11 ന് രാവിലെ 11 ന് പത്തനംതിട്ട ഗവ. ഗസ്റ്റ്ഹൗസില്‍ നടക്കുന്ന സിറ്റിംഗില്‍ പരിഗണിക്കും. ഏറത്ത് ഗ്രാമപഞ്ചായത്ത് സെക്രട്ടറിക്ക് ഉത്തരവിന്റെ പകര്‍പ്പ് അയച്ചു.
പ്രതികരിക്കാൻ ഇവിടെ എഴുതുക: