അങ്ങാടിപ്പുറം: മേല്‍പ്പാല പണിയില്‍ ദുരിതമനുഭവിക്കുന്ന യാത്രക്കാരെ ഇരട്ടി ദുരിതത്തിലാക്കി അങ്ങാടിപ്പുറത്ത് പാരലല്‍ ഓട്ടോ സര്‍വ്വീസുകള്‍. ഗതാഗത നിയന്ത്രണം നിലവിലുള്ള ഇവിടെ ചെറിയ വാഹനങ്ങള്‍ക്ക് മാത്രം കടന്നുപോകാന്‍ അനുമതിയുണ്ട്. ബസുകളടക്കമുള്ള വലിയ വാഹനങ്ങള്‍ വഴിതിരിച്ചുവിട്ടിരിക്കുകയാണ്. അങ്ങാടിപ്പുറം-പെരിന്തല്‍മണ്ണ റൂട്ടിലാണ് ഓട്ടോറിക്ഷകള്‍ സര്വീസ് ആരംഭിച്ചിരിക്കുന്നത്. അവസരം ശരിക്കും മുതലാക്കുകയാണ് ഇവരില്‍ ചിലര്‍. മിനിമം ഏഴ് രൂപയില്‍ നിന്നും വിദ്യാര്‍ത്ഥികളടക്കമുള്ളവരില്‍ നിന്നും ഇവര്‍ വാങ്ങുന്നത് 10 ഉം 15 ഉം രൂപയാണ്. ചെറിയ തുകക്ക് വേണ്ടി പരാതി നല്‍കാന്‍ ആരും തയ്യാറാകാത്തത് യാത്രക്കാരെ ചൂഷണം ചെയ്യാനുള്ള ആക്കം കൂട്ടുന്നു. ഓട്ടോ വാടകയെ ചൊല്ലി യാത്രക്കാരും ഓട്ടോക്കാരും തമ്മിലുള്ള തര്‍ക്കങ്ങളും ഇവിടെ നിത്യസംഭവമാണ്. പരാതികളുണ്ടെങ്കിലും അധിക്യതര്‍ ഇടപെടുന്നില്ല.
യാത്രക്കാര്‍ക്ക് ഇരട്ടി ദുരിതം സമ്മാനിച്ച് പാരലല്‍ ഓട്ടോ സര്വീസ്
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: