കാടാമ്പുഴ: കാടാമ്പുഴ ക്ഷേത്രത്തിലെ തൃക്കാര്‍ത്തിക വിപുലമായ പരിപാടികളോടെ ആഘോഷിച്ചു. ആയിരക്കണക്കിന് ആളുകളാണ് തൃക്കാര്‍ത്തിക തൊഴാന്‍ കാടാമ്പുഴ ദേവീസന്നിധിയിലെത്തിയത്. പുലര്‍ച്ചെ മൂന്നിന് കാര്‍ത്തിക ദീപം തെളിയിച്ചതോടെ പരിപാടികള്‍ക്ക് തുടക്കമായി. 3.20ന് ഭക്ജനങ്ങള്‍ക്ക് ദര്‍ശനവും സോപാനസംഗീതവും.നാലിന് പ്രത്യേക തന്ത്രീപൂജകള്‍, ഉഷപൂജ, കലശപൂജ, നവം, പഞ്ചഗവ്യം, പൂമൂടല്‍ എന്നിവ നടന്നു. കേരള ക്ഷേത്ര സംരക്ഷണസമിതിയുടെ നേതൃത്വത്തില്‍ നടന്ന സര്‍വ്വൈശ്വര്യപൂജയില്‍ നൂറുകണക്കിന് ആളുകള്‍ പങ്കെടുത്തു. തുടര്‍ന്ന് അഡ്വ.എസ് ജയസൂര്യന്‍ നടത്തിയ ഭക്തി പ്രഭാഷണവും ഉണ്ടായിരുന്നു. ചടങ്ങില്‍ ജന്മഭൂമിയുടെ ഉത്സവ സപ്ലിമെന്റ് ജയസൂരൃക്ക് നല്‍കി എക്‌സിക്യുട്ടീവ് ഓഫീസര്‍ പ്രകാശനം ചെയ്തു. പ്രസാദ ഊട്ടില്‍ പതിനിയിരങ്ങള്‍ പങ്കെടുത്തു. രാത്രി ഒന്‍പതിന് നാടകം അരങ്ങേറി.
Sunday, November 24, 2024
തൃക്കാര്‍ത്തിക തൊഴാന്‍ കാടാമ്പുഴയിലെത്തിയത് ആയിരങ്ങള്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: