തിരുവനന്തപുരം: ജയന്‍ സാംസ്‌കാരികവേദിയുടെ ആഭിമുഖ്യത്തില്‍ സംഘടിപ്പിച്ച ജയന്‍ സ്മാരക അവാര്‍ഡിന് പ്രമുഖ പത്ര പ്രവര്‍ത്തകനും നോവലിസ്റ്റുമായ പ്രദീപ് ചാത്തന്നൂര്‍ അര്‍ഹനായി. 25 വര്‍ഷം മാധ്യമരംഗത്ത് പ്രവര്‍ത്തിച്ച പ്രദീപ് ചാത്തന്നൂരിന് മാധ്യമരംഗത്തെ സമഗ്രസംഭാവനകള്‍ പരിഗണിച്ചാണ് അവാര്‍ഡ്. ഈ അവാര്‍ഡ് മുന്‍കാലങ്ങളില്‍ ശ്രീകുമാരന്‍തമ്പി, മലയാള സിനിമാരംഗത്തെ കുലപതി ശശികുമാര്‍, ഗാനരചയിതാക്കളായ പൂവച്ചല്‍ ഖാദര്‍, ബിച്ചു തിരുമല എന്നിവര്‍ക്കാണ് നല്‍കപ്പെട്ടത്. 10,001 രൂപയും നടന്‍ ജയന്റെ ചിത്രം ആലേഖനം ചെയ്ത ശില്‍പ്പവും പ്രശംസാ പത്രവും ഉള്‍പ്പെടുന്നതാണ് അവാര്‍ഡ്. ജയന്റെ 35-ാം ചരമവാര്‍ഷിക ദിനമായ നവംബര്‍ 16 ന് തിരുവനന്തപുരം പൂര്‍ണ ആഡിറ്റോറിയത്തില്‍ ജയന്റെ സഹപ്രവര്‍ത്തകനും സിനിമാ നിര്‍മ്മാതാവും ക്യാമറാമാനുമായ കല്ലിയൂര്‍ ശശി അവാര്‍ഡ് സമ്മാനിക്കുമെന്ന് ജയന്‍ സാംസ്‌കാരിക വേദി പ്രസിഡന്റ് ബി. സജീവനും ജയന്‍ സാംസ്‌കാരിക വേദി സെക്രട്ടറി എം. നാഷിദും അറിയിച്ചു.
Monday, December 23, 2024
ജയന്‍ സ്മാരക അവാര്‍ഡ് പ്രദീപ് ചാത്തന്നൂരിന്
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: