കൂത്തുപറമ്പ്: മാങ്ങാട്ടിടം പഞ്ചായത്തിലെ മാങ്ങാട്ടിടം കിണറ്റിന്റവിട, അയ്യപ്പന്‍തോട്, ദേശ ബന്ധു വായനശാല.കോറോത്തുളളി മൊട്ട,കുരിക്കള്‍കണ്ടി തുടങ്ങിയ സ്ഥലങ്ങളില്‍ ബിജെപിയുടെ 20 ഓളം ബോര്‍ഡുകള്‍ തകര്‍ ത്തെറിഞ്ഞ സിപിഎം സംഘം ബിജെപി പ്രവര്‍ത്തകര്‍ സ്ഥാപിച്ച ബസ്സ് കാത്തിരിപ്പു കേന്ദ്രവും തകര്‍ത്തു.
യുവോമര്‍ച്ച, സംസ്ഥാന വൈസ് പ്രസിഡണ്ട് ബിജുഏളക്കുഴി,ബിജെപി ജില്ലാ സെക്രട്ടറി വിജയന്‍ വട്ടിപ്രം എന്നിവര്‍ അക്രമ സ്ഥലങ്ങള്‍ സന്ദര്‍ശിച്ചു. അക്രമത്തില്‍ പ്രതിഷേധിച്ച് ബിജെപി കിണറ്റിന്റവിട പ്രദേശത്ത് ഹര്‍ത്താല്‍ ആചരിച്ചു. തെരഞ്ഞെടുപ്പ് അട്ടിമറിക്കാന്‍ ജില്ലയില്‍ വ്യാപകമായി അക്രമമഴിച്ചു വിടാനുളള സിപിഎം നീക്കത്തില്‍ വ്യാപക പ്രതിഷേധം ഉയര്‍ന്നിട്ടുണ്ട്. ജില്ലയിലെ ജനം ഭീതിയിലുമാണ്.
കൂത്തുപറമ്പ് : കൂത്തുപറമ്പില്‍ ആര്‍എസ്എസ് നഗര്‍ സേവാപ്രമുഖ് ബിനോയ് എന്ന ബോബിയുടെ വീടിനു നേരെ സിപിഎം അക്രമം. വീടിന്റെ ഗ്രില്‍സിനും ജനലുകള്‍ക്കും നേരെയാണ് സിപിഎം സംഘം അക്രമം നടത്തിയത്. തെരഞ്ഞെടുപ്പില്‍ കൂത്തുപറമ്പ് നഗരസഭാ പരിധിയില്‍ പതിവില്‍ നിന്ന് ഭിന്നമായി മിക്ക വാര്‍ഡുകളിലും ബിജെപി സ്ഥാനാര്‍ത്ഥികള്‍ മത്സര രംഗത്തുണ്ട്.
ഇതില്‍ വിറളി പൂണ്ടാണ് കൂത്തുപറമ്പ് നഗരത്തിലെ ആര്‍എസ്എസ് നേതാവിന് നേരെ നിരന്തരമായി ഭീഷണിയുമായി സിപിഎം രംഗത്തെത്തിയിരിക്കുന്നത്. സിപിഎം നടപടിയില്‍ പ്രതിഷേധിച്ച് കൂത്തുപറമ്പ് നഗരത്തില്‍ സംഘപരിവാര്‍ സംഘടനകള്‍ പ്രതിഷേധ പ്രകടനം നടത്തി.
പ്രതികരിക്കാൻ ഇവിടെ എഴുതുക: