കണ്ണൂര്‍: കണ്ണൂര്‍ ജില്ലാ പ്രീ പ്രൈമറി ടീച്ചേഴ്‌സ് അസോസിയേഷന്റെ ആഭിമുഖ്യത്തില്‍ എയ്ഡഡ് സ്‌കൂളിലെ പ്രീ-പ്രൈമറി അധ്യാപകരും ആയമാരും 16 ന് ഡിഡിഇ ഓഫീസിലേക്ക് മാര്‍ച്ച് നടത്തും. എയ്ഡഡ് സ്‌കൂള്‍ പ്രീ പ്രൈമറി അധ്യാപകര്‍ക്കും ആയമാര്‍ക്കും സര്‍ക്കാര്‍ സര്‍വീസിന് തുല്യമായ ശമ്പളവും മറ്റാനുകൂല്യങ്ങളും അനുവദിക്കുക, പ്രീ പ്രൈമറിയെ എയ്ഡഡ് സ്‌കൂളുകളുടെ ഭാഗമായി അംഗീകരിക്കുക എന്നീ ആവശ്യങ്ങള്‍ ഉന്നയിച്ചുകൊണ്ടാണ് മാര്‍ച്ച് നടത്തുന്നത്. തെരഞ്ഞെടുപ്പിനോടനുബന്ധിച്ച് കലക്ടറേറ്റിന് മുന്നിലെ സമരപരിപാടിക്ക് നിരോധനം വന്ന സാഹചര്യത്തിലാണ് ഡിഡിഇ ഓഫീസ് മാര്‍ച്ചാക്കി മാറ്റുവാന്‍ തീരുമാനിച്ചത്. രാവിലെ 10 മണിക്ക് സ്റ്റേഡിയം കോര്‍ണറില്‍ നിന്നും മാര്‍ച്ച് ആരംഭിക്കും. കൂടുതല്‍ വിവരങ്ങള്‍ 9496704703 എന്ന നമ്പറില്‍ ബന്ധപ്പെട്ടാല്‍ ലഭിക്കും.
Tuesday, November 26, 2024
ഡിഡിഇ ഓഫീസ് മാര്‍ച്ച് നടത്തും
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: