കൊച്ചി: ഇന്‍ഫോപാര്‍ക്ക് കേന്ദ്രമായി പ്രവര്‍ത്തിക്കുന്ന ഐടി കമ്പനിയായ വിഷ്വല്‍ ഐക്യുവിനെ 2015-ല്‍ ഇന്ത്യയില്‍ പ്രവര്‍ത്തിക്കുന്ന മികച്ച അന്‍പത് ഐടി കമ്പനികളിലൊന്നായി തെരഞ്ഞെടുത്തു. നാസ്‌കോമും ഗ്രേറ്റ് പ്ലേസസ് ടു വര്‍ക്ക് ഇന്‍സ്റ്റിറ്റിയൂട്ടും ചേര്‍ന്നാണ് മികച്ച കമ്പനികളെ കണ്ടെത്തിയത്.
ജീവനക്കാരോടുള്ള സൗഹൃദവും പ്രസാദാത്മകമായ ജോലി അന്തരീക്ഷവുമായിരുന്നു മികച്ച കമ്പനികളെ കണ്ടെത്തുന്നതിനുള്ള മാനദണ്ഡം. ചെന്നൈയില്‍ നടന്ന നാസ്‌കോം എച്ച്ആര്‍ ഉച്ചകോടിയിലാണ് മികച്ച കമ്പനികളെ പ്രഖ്യാപിച്ചത്. കേരളത്തില്‍നിന്ന് തെരഞ്ഞെടുക്കപ്പെട്ട ഏക കമ്പനിയാണ് വിഷ്വല്‍ ഐക്യു.
സ്ഥാപനങ്ങളില്‍ മികച്ച ജോലി സംസ്‌കാരം വളര്‍ത്തിയെടുക്കുന്നതിനായി പരിശ്രമിക്കുന്ന ആഗോള സ്ഥാപനമാണ് ഗ്രേറ്റ് പ്ലേസ് ടു വര്‍ക്ക് ഇന്‍സ്റ്റിറ്റിയൂട്ട്. ചെസ്റ്റ്‌നട്ട് ഗ്ലോബല്‍ പാര്‍ട്‌ണേഴ്‌സ് ഇന്ത്യയും എസ്എച്ച്ആര്‍എമ്മുമായി ചേര്‍ന്ന് നടത്തിയ എംപ്ലോയി ഹെല്‍ത്ത് ആന്‍ഡ് വെല്‍നസ് റാങ്കിംഗില്‍ മികച്ച സ്ഥാനം നേടിയ കമ്പനി ഗോള്‍ഡന്‍ പീകോക്ക് എച്ച്ആര്‍ എക്‌സലന്‍സ് അവാര്‍ഡും നേടിയിരുന്നു.
പ്രതികരിക്കാൻ ഇവിടെ എഴുതുക: