വട്ടപ്പാറ: വീടിനു മുന്നില്‍ വച്ചിരുന്ന ബൈക്ക് തീയിട്ട് നശിപ്പിച്ച സംഭവത്തില്‍ അന്യസംസ്ഥാന തൊഴിലാളി പിടിയിലായി. ആസാം സാന്തൂര്‍ ടെംപിള്‍ ഖറില്‍ ബക്കിഗിരി (22) നെയാണ് വട്ടപ്പാറ പോലീസ് പിടികൂടിയത്.
വ്യാഴാഴ്ച പുലര്‍ച്ചെ 2 മണിയയോടെ വേറ്റിനാട് കുളവിക്കോണം ആശ നിവാസില്‍ ജയചന്ദ്രന്റെ ബൈക്കാണ് തീയിട്ട് നശിപ്പിച്ചത്.
സമീപത്തെ വീട്ടില്‍ വാടകയ്‌ക്ക് താമസിക്കുന്ന ബക്കിഗിരി സ്ഥിരമായി രാത്രിയില്‍ മദ്യപിച്ച് ഏറെ വൈകി എത്തുന്നത് ജയചന്ദ്രന്‍ ചോദ്യം ചെയ്തിരുന്നു. ഇതിലുള്ള വൈരാഗ്യമാണ് ബൈക്ക് കത്തിക്കുവാനുള്ള കാരണമെന്ന് പോലീസ് പറഞ്ഞു. വട്ടപ്പാറ എസ്‌ഐ ഇന്ദ്രരാജ്, എഎസ്‌ഐ സതീഷ്‌കുമാര്‍, സിപിഒ ഷിബു എന്നിവരടങ്ങുന്ന സംഘമാണ് പ്രതിയെ പിടികൂടിയത്.
പ്രതികരിക്കാൻ ഇവിടെ എഴുതുക: