കോട്ടയം: നഗരത്തില്‍ പൂവാലശല്യം രൂക്ഷമാകുന്നു. ഇന്നലെ വൈകിട്ട് സ്വകാര്യ സ്ഥാപനത്തില്‍ ജോലി ചെയ്തു ബസ് സ്റ്റോപ്പിലേയ്‌ക്കു മടങ്ങുകയായിരുന്ന പെണ്‍കുട്ടിയെ പിന്നാലെയെത്തി യുവാവ് ശല്യം ചെയ്തു. സ്റ്റാര്‍ ജംഗ്ഷനു സമീപത്തെ എല്‍ഐസി ഓഫീസിനു മുന്‍പില്‍ വച്ചായിരുന്നു സംഭവം. പെണ്‍കുട്ടി തിരിഞ്ഞു നിന്നു ചോദ്യം ചെയ്തതോടെ ഇവര്‍ തമ്മില്‍ വാക്കേറ്റം നടന്നു. ഇതു കണ്ട ഓട്ടോഡ്രൈവര്‍മാര്‍ യുവാവിനെ തടഞ്ഞു. ഇതിനിടെ കരാട്ടെ ബ്ലാക്ക് ബെല്‍റ്റ് നേടിയ പെണ്‍കുട്ടി താന്‍ പഠിച്ച ഓരോ അടവുകളും യുവാവിന്റെ ശരീരത്തില്‍ പ്രയോഗിച്ചു. ഇതിനിടെ ഓട്ടോ ഡ്രൈവര്‍മാരും യുവാവിനെ കൈകാര്യം ചെയ്തു. ആളുകള്‍ കൂടിയപ്പോള്‍ പൂവാലന്‍ സമീപത്തെ പാര്‍ക്കിംഗ് ഗ്രൗണ്ട് വഴി കുത്തനെയുള്ള കയറ്റം കയറി ഓടിരക്ഷപെട്ടു. പെണ്‍കുട്ടികളെ ശല്യം ചെയ്തവരെ കൈകാര്യം ചെയ്ത സംഭവും ഇതിനു മുന്‍പും കോട്ടയത്തുണ്ടായിട്ടുണ്ട്. നാഗമ്പടം സ്റ്റേഡിയത്തില്‍ കായിക പരിശീലനം കഴിഞ്ഞു മടങ്ങിയ പെണ്‍കുട്ടികളെ ശല്യം ചെയ്ത യുവാവിനെ കൈകാര്യം ചെയ്തും ആറ് മാസം മുന്‍പാണ്.
Wednesday, November 20, 2024
നഗരത്തില്‍ പൂവാല ശല്യം രൂക്ഷം
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: