ചങ്ങനാശേരി: അഗ്നിശമനസേനയുടെ രക്ഷാപ്രവര്‍ത്തനങ്ങള്‍ക്ക് അനിവാര്യമായ ബ്രിത്തിങ് അപ്പാരറ്റസും ബുള്ളറ്റ് വാട്ടര്‍മിസ്റ്റ് സൗകര്യങ്ങളും ഏര്‍പ്പെടുത്തണമെന്ന ആവശ്യമുയരുന്നു. വെള്ളത്തില്‍ വീണും കിണറ്റില്‍ വീണതും അടക്കമുള്ള അപകടമാണ് കൂടുതലും ഇവിടെ നടക്കുന്നത്. അത്യാവശ്യഘട്ടത്തില്‍ ഉപയോഗിക്കുന്നതിന് ബ്രീത്തിങ് അപ്പാരറ്റസ് സംവിധാനമില്ലാത്തത് ജീവനക്കാര്‍ക്ക് രക്ഷാപ്രവര്‍ത്തനം നടത്തുന്നതിന് തമാസവും പ്രതിസന്ധിയും സൃഷ്ടിക്കുന്നു.
വായുസഞ്ചാരമില്ലാത്ത കിണറുകളില്‍ ബ്രീത്തിങ് അപ്പാരറ്റസ് ഇല്ലാതെ രക്ഷാപ്രവര്‍ത്തനം നടത്താന്‍ സാധിക്കില്ല. കൂടുതല്‍ സൗകര്യങ്ങളും രക്ഷാപ്രവര്‍ത്തനത്തിനുള്ള ഉപകരണങ്ങളും നല്‍കി സേനയുടെ ആധുനികവത്കരണം നടത്തണമെന്നാണ് നാട്ടുകാരുടെ ആവശ്യം.
പ്രതികരിക്കാൻ ഇവിടെ എഴുതുക: