പാലാ: സംസ്ഥാനത്ത് സമസ്ത മേഖലയിലും അഴിമതി നടമാടുകയാണെന്ന് ബിജെപി ദേശീയ നിര്‍വ്വാഹകസമിതിയംഗം ശോഭാ സുരേന്ദ്രന്‍. അഴിമതിയില്‍ മുങ്ങിക്കുളിച്ചു നില്‍ക്കുന്ന ഉമ്മന്‍ചാണ്ടി സര്‍ക്കാര്‍ രാജിവയ്‌ക്കണമെന്നും അവര്‍ ആവശ്യപ്പെട്ടു. സംസ്ഥാന സര്‍ക്കാരിന്റെ അഴിമതി ഭരണത്തിനും ഇടതുവലതു മുന്നണികളുടെ ഒത്തുതീര്‍പ്പു രാഷ്‌ട്രീയത്തിനുമെതിരെ കൊഴുവനാല്‍ പഞ്ചായത്തില്‍ സംഘടിപ്പിച്ച രാഷ്‌ട്രീയ വിശദീകരണയോഗം ഉദ്ഘാടനം ചെയ്യുകയായിരുന്നു അവര്‍.
മന്ത്രിമാര്‍ക്കെതിരെ ഓരോദിവസവും പുതിയ അഴിമതിക്കഥകള്‍ പുറത്തുവരികയാണ്. ഇതിനു പിറകെ നടക്കുന്ന മുഖ്യമന്ത്രിക്ക് സംസ്ഥാനത്തിന്റെ വികസന കാര്യങ്ങള്‍ ശ്രദ്ധിക്കാന്‍ സമയമില്ല. കേന്ദ്രസര്‍ക്കാര്‍ ആവിഷ്‌കരിച്ച പല പദ്ധതികളും നടപ്പാക്കാന്‍ സംസ്ഥാനം തയ്യാറാകുന്നില്ലെന്നും ശോഭാസുരേന്ദ്രന്‍ കുറ്റപ്പെടുത്തി.
എം.ആര്‍. വാസുദേവന്‍ അദ്ധ്യക്ഷത വഹിച്ചു. എന്‍.കെ. ശശികുമാര്‍, ടി.ആര്‍. നരേന്ദ്രന്‍, മോഹനന്‍ പനയ്‌ക്കല്‍, സി.ജി. ദിവാകരന്‍, അഡ്വ. ജി. അനീഷ്, സെബാസ്റ്റ്യന്‍ ജോസഫ്, കെ.കെ. രാധാകൃഷ്ണന്‍ നമ്പൂതിരി, മേവിട രാമന്‍ നായര്‍, മിനി നന്ദകുമാര്‍, ശുഭ സുന്ദര്‍രാജ്, ജയശ്രീ രാജേഷ് തുടങ്ങിയവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: