പാലാ: എസ്എന്‍ഡിപിയോഗം മീനച്ചില്‍ യൂണിയന്‍ കുട്ടികള്‍ക്കായി അവധിക്കാല വ്യക്തിത്വ വികസന ക്യാമ്പ് നടത്തും. ഇന്നും നാളെയുമായി ഇടപ്പാടി ആനന്ദഷണ്മുഖ ക്ഷേത്രാങ്കണത്തിലാണ് ആനന്ദം എന്ന പേരില്‍ ക്യാമ്പ് സംഘടിപ്പിക്കുന്നത്. ഇന്ന് രാവിലെ 9ന് യൂണിയന്‍ പ്രസിഡന്റ് എ.കെ.ഗോപി ശാസ്താപുരം അദ്ധ്യക്ഷത വഹിക്കുന്ന യോഗത്തില്‍ പത്തനംതിട്ട അഡീഷണല്‍ ജില്ലാ ജഡ്ജി ബി. വിജയന്‍ ആനന്ദത്തിന് തിരിതെളിക്കും. എസ്എന്‍ഡിപിയോഗം കൗണ്‍സിലര്‍ ഗിരീഷ് കോനാട്ട് മുഖ്യാതിഥിയായിരിക്കും. കേരള കൗമുദി കോട്ടയം യൂണിറ്റ് ചീഫ് എം.ആര്‍. പ്രദീപ്കുമാര്‍ പ്രഭാഷണം നടത്തും. യൂണിയന്‍ സെക്രട്ടറി അഡ്വ. കെ.എം. സന്തോഷ്‌കുമാര്‍ സ്വാഗതവും വൈസ് പ്രസിഡന്റ് ഷാജി തലനാട് നന്ദിയും പറയും. വനിതാകമ്മീഷനംഗം ഡോ. ജെ. പ്രമീളാദേവി, ജിജോ സി. ചിറ്റടി തുടങ്ങിയവര്‍ ക്ലാസുകള്‍ നയിക്കും. മജീഷ്യന്‍ പ്രൊഫ. സാംരാജ്, പാലാ നഗരസഭാ പിതാവ് കുര്യാക്കോസ് പടവന്‍, പ്രമുഖ ബിസിനസ് മാന്‍ വിസിബ് തങ്കച്ചന്‍ തുടങ്ങിയവര്‍ കുട്ടികളുമായി സംവാദത്തില്‍ ഏര്‍പ്പെടും.
നീളെ പാലാ രൂപതാ കോര്‍പറേറ്റ് മാനേജര്‍ ഫാദര്‍ മാത്യു ചന്ദ്രന്‍കുന്നേല്‍ എസ്എന്‍ഡിപി കോളേജ് കണ്‍വീനര്‍ ഡോ. കെ. സോമന്‍ തുടങ്ങിയവര്‍ ക്ലാസ് നയിക്കും. 3ന് നടക്കുന്ന സമാപന സമ്മേളനം എസ്എന്‍ ട്രസ്റ്റ് ബോര്‍ഡ് മെമ്പര്‍ പ്രീതി നടേശന് ഉദ്ഘാടനം ചെയ്യും. പിഎസ്‌സി ബോര്‍ഡ് മെമ്പര്‍ പ്രൊഫ. ലോപ്പസ് മാത്യു മുഖ്യാതിഥിയായിരിക്കും. വിവരങ്ങള്‍ക്ക് 9446946024, 9947488512.
പ്രതികരിക്കാൻ ഇവിടെ എഴുതുക: