ചങ്ങനാശ്ശേരി: പുഴവാത് കടന്തോട്ട് സജി തോമസിന്റെ വീട്ടില്‍ നിന്നും കഴിഞ്ഞ ഡിസംബറില്‍ ഇരുപത് ഗ്രാം കൊലുസും വിലകൂടിയ സ്മാര്‍ട്ട്‌ഫോണും മോഷ്ടിച്ച കല്ലൂപ്പാറ ചാക്കോ മുറിയില്‍ കടമാന്‍കുളത്തില്‍ അഭിലാഷ് (32) നെ പോലീസ് അറസ്റ്റ് ചെയ്തു.
ഡിസംബര്‍ 2014 പതിനാറാം തീയതിയാണ് സംഭവം നടന്നത്. ചങ്ങനാശേരി മുനിസിപ്പല്‍ സ്റ്റേഡിയം ഭാഗത്തു നിന്ന് ഞായറാഴ്ച അര്‍ദ്ധരാത്രിയില്‍ സംശയാസ്പദമായി കണ്ടതിനെ തുടര്‍ന്ന് പോലീസ് പിടികൂടി ചോദ്യം ചെയ്തപ്പോഴാണ് മോഷണം പുറത്തുവന്നത്. കടന്തോട്ട് സജി തോമസിന്റെ ഭാര്യ തുറന്നിട്ട ജനലിനരികില്‍ കിടന്നുറങ്ങുമ്പോഴാണ് രാത്രി കാലില്‍ നിന്നും കൊലുസും വിലപിടിപ്പുള്ള മൊബൈലും മോഷ്ടിച്ചത്. പ്രതിയെകൂട്ടി തെളിവെടുപ്പ് നടത്തിയതിന്‌ശേഷം ഇന്ന് കോടതിയില്‍ ഹാജരാക്കും.
പ്രതികരിക്കാൻ ഇവിടെ എഴുതുക: