മാവേലിക്കര: ചെറുകോല്‍ ശ്രീശുഭാനന്ദാശ്രമത്തില്‍ ഗുരുപ്രസാദ് ഗുരുദേവന്റെ 108-ാമത് പൂരാടം ജന്മനക്ഷത്ര മഹാമഹം ഏപ്രില്‍ 12ന് വിവിധ ചടങ്ങുകളോടുകൂടി നടക്കും. രാവിലെ 5.30ന് ഗുരുപൂജ, ഗുരുദക്ഷിണ, ഏഴിന് സമാധി മണ്ഡപത്തില്‍ പുഷ്പാര്‍ച്ചന, 7.30ന് ആശ്രമപ്രദിക്ഷിണം, എഴുന്നള്ളത്ത്, എതിരേല്‍പ്പ്, 10ന് ഘോഷയാത്ര ആശ്രമത്തില്‍ നിന്ന് ആരംഭിച്ച് ചെറുകോല്‍ ജങ്ഷന്‍, കാരാഴ്മ ക്ഷേത്രം നാടാലയ്‌ക്കല്‍ ജങ്ഷന്‍ വഴി തിരകെ ആശ്രമത്തില്‍ എത്തിച്ചേരും.
11.30ന് നേര്‍ച്ച സ്വീകരണം, അനുഗ്രഹ പ്രഭാഷണം, ഉച്ചയ്‌ക്ക് ഒന്നിന് സമൂഹസദ്യ, രണ്ടിന് ജന്മനക്ഷത്ര സമ്മേളനം അല്‍ഹാസീഫ് അബ്ദുള്‍ ഷുക്കൂര്‍ മൗലവി അല്‍ഖാസമി ഉദ്ഘാടനം ചെയ്യും. ട്രസ്റ്റ് സെക്രട്ടറി സ്വാമി ഗോവിന്ദാനന്ദന്‍ അദ്ധ്യക്ഷത വഹിക്കും. സദാനന്ദസിദ്ധ ഗുരുദേവ അനുഗ്രഹ പ്രഭാഷണം നടത്തും. സ്വാമി നന്ദാത്മജാനന്ദ, പ്രൊഫ.ടോണിമാത്യു വെണ്ണിക്കുളം, സ്വാമി ഗീതാനന്ദന്‍, ചെന്നിത്തല പഞ്ചായത്ത് പ്രസിഡന്റ് ഷീജ അനില്‍, എം. മുരളി, അഡ്വ. സി.എന്‍. അമ്മാഞ്ചി, സ്വാമി വിവേകാനന്ദന്‍, സ്വാമി ശുഭാനന്ദദാസ്, വള്ളികുന്നം രാമചന്ദ്രന്‍പിള്ള, അഡ്വ. പി.കെ. വിജയപ്രസാദ് എന്നിവര്‍ ആശംസകള്‍ അര്‍പ്പിക്കും. വൈകിട്ട് ആറിന് സമൂഹാരാധന, ഏഴിന് സേവ, രാത്രി 9.30ന് സംഗീതസദസ്.
പ്രതികരിക്കാൻ ഇവിടെ എഴുതുക: