ചേര്‍ത്തല: ബൈക്ക് മോഷണ സംഘത്തിലെ പ്രധാനി അറസ്റ്റില്‍. ചേര്‍ത്തല നഗരസഭ 14ാം വാര്‍ഡ് മാളിയേക്കല്‍ വീട്ടില്‍ ബി. നെബു (31)വിനെയാണ് എറണാകുളത്തു നിന്നും ചേര്‍ത്തല പോലീസ് പിടികൂടിയത്. ദേവീക്ഷേത്രത്തിനു വടക്കുഭാഗത്തെ വില്ലേജ് ഓഫീസിന് സമീപത്തു നിന്നു ബൈക്ക് മോഷ്ടിക്കുവാന്‍ ശ്രമിക്കുന്നതിനിടെ കഴിഞ്ഞ ദിവസം പിടിയിലായ തുറവൂര്‍ സ്വദേശി അഖിലിനെ ചോദ്യം ചെയ്തപ്പോഴാണ് നെബുവിനെക്കുറിച്ച് വിവരം ലഭിച്ചത്. മിനി സിവില്‍ സ്‌റ്റേഷനില്‍ നിന്നു ബൈക്ക് മോഷ്ടിച്ചതും നെബുവാണെന്ന് പോലീസ് പറഞ്ഞു. മോഷ്ടിക്കുന്ന ബൈക്കുകളില്‍ സഞ്ചരിച്ച് മാല അപഹരിക്കുന്നതാണ് ഇവരുടെ രീതി. അടുത്തിടെ നഗരത്തില്‍ നടന്ന ഇരുചക്ര വാഹന മോഷണങ്ങളെ സംബന്ധിച്ചും സംഘത്തിലെ മറ്റു കണ്ണികളെ കുറിച്ചും വിശദമായ അന്വേഷണം നടത്തിവരുകയാണെന്നും എസ്‌ഐ: ഇ.ഡി. ബിജു പറഞ്ഞു. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
Sunday, November 17, 2024
ബൈക്ക് മോഷണ കേസിലെ പ്രതി പിടിയില്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: