ചെറുകോല്‍ ശ്രീശുഭാനന്ദാശ്രമത്തില്‍ ജന്മനക്ഷത്ര മഹാമഹം

മാവേലിക്കര: ചെറുകോല്‍ ശ്രീശുഭാനന്ദാശ്രമത്തില്‍ മകയിരം തിരുനാല്‍ ജന്മനക്ഷത്ര മഹാമഹം ഫെബ്രുവരി 27ന് നടക്കും. രാവിലെ 7.30ന് ആശ്രമ പ്രദക്ഷിണം, എഴുന്നള്ളത്ത്, എതിരേല്‍പ്പ്, 10ന് ഘോഷയാത്ര, 11.30ന് നേര്‍ച്ച സ്വീകരണം ആശ്രമാധിപതി സദാനന്ദസിദ്ധ ഗുരുദേവന്‍ അനുഗ്രഹ പ്രഭാഷണം നടത്തും. ഉച്ചയ്‌ക്ക് ഒന്നിന് സമൂഹസദ്യ, രണ്ടിന് ജന്മനക്ഷത്ര സമ്മേളനം കൊല്‍ക്കത്ത ഭദ്രാസനാധിപന്‍ ഡോ.ജോസഫ് മാര്‍ ദിവന്ന്യാസിയോസ് മെത്രാപ്പോലീത്ത ഉദ്ഘാടനം ചെയ്യും. ട്രസ്റ്റ് സെക്രട്ടറി സ്വാമി ഗോവിന്ദാനന്ദന്‍ അദ്ധ്യക്ഷത വഹിക്കും. കൊടിക്കുന്നില്‍ സുരേഷ് എംപി, മേജര്‍ ലാല്‍കൃഷ്ണ എന്നിവര്‍ മുഖ്യപ്രഭാഷണം നടത്തും. എംഎല്‍എ മാരായ പി.സി. വിഷ്ണുനാഥ്, ആര്‍.രാജേഷ്, മുന്‍ എംഎല്‍എ എം.മുരളി, സ്വാമി വിവേകാന്ദന്‍, ഗോപന്‍ ചെന്നിത്തല, അഡ്വ.പി.കെ. വിജയപ്രസാദ് എന്നിവര്‍ പ്രസംഗിക്കും. രാത്രി ഏഴിന് സേവ, 9.30ന് സംഗീതസദസ്.