സ്വാമി ചിന്മയാനന്ദനെ കുറിച്ചുള്ള സിനിമാ പ്രദര്‍ശനം ഫെബ്രുവരി 21ന്

ആലപ്പുഴ: സ്വാമി ചിന്മയാനന്ദനെ കുറിച്ചുള്ള സിനിമ ‘ഓണ്‍ എ ക്വസ്റ്റ്’ ഫെബ്രുവരി 21ന് രാവിലെ 9.30ന് ആലപ്പുഴ സാസ് ശാന്തി തീയേറ്ററില്‍ പ്രദര്‍ശിപ്പിക്കും. തമിഴ് സിനിമയിലെ ആര്‍.എസ്. പ്രസന്ന സംവിധാനം ചെയ്തിരിക്കുന്ന ഈ ഇംഗ്ലീഷ് ചിത്രത്തില്‍ തമിഴ് ആര്‍ട്ട് ഡയറക്ടര്‍ തോത്താ ധരണി സ്വാമി ചിന്മയാനന്ദയുടെ വേഷത്തില്‍ അഭിനയിക്കുന്നു. വേദാന്ത വിദ്യാര്‍ത്ഥിയായ ബ്രഹ്മചാരി സന്ദീപാണ് ചെറുപ്പകാലത്തെ വേഷം ചെയ്യുന്നത്. ചിന്മയ ക്രിയേഷന്‍സിന്റെ ബാനറില്‍ നിര്‍മ്മിച്ച ചിത്രം ചിന്മയമിഷനാണ് വിവിധ സ്ഥലങ്ങളില്‍ പ്രദര്‍ശിപ്പിക്കുന്നത്. ചിന്മയമിഷനുമായി ബന്ധപ്പെട്ടവര്‍ക്ക് സൗകര്യം ഉണ്ടായിരിക്കും. താത്പര്യമുള്ളവര്‍ ചിന്മയമിഷനുമായി ബന്ധപ്പെടുക. ഫോണ്‍: 9447773325, 9495746977.