ആലപ്പുഴ: അനധികൃത മദ്യ വില്പ്പനയ്ക്കിടെ യുവാവ് അറസ്റ്റില്‍. അമ്പലപ്പുഴ വടക്ക് പഞ്ചായത്ത് വണ്ടാനം കാട്ടുംപുറം വെളിയില്‍ രജീഷാ (32)ണ് അറസ്റ്റിലായത്. ഞായറാഴ്ച രാവിലെ ഒന്‍പതരയോടെ വണ്ടാനം പോസ്റ്റ് ഓഫീസിന് പിന്നിലായിരുന്നു സംഭവം. അനധികൃതമായി ഇവിടെ വിദേശമദ്യ വില്‍പ്പന നടക്കുന്നു രഹസ്യ വിവരത്തെ തുടര്‍ന്ന് ആലപ്പുഴ എക്‌സൈസ് റേഞ്ച് എസ്‌ഐ: കെ.പി. മോഹനന്റെ നേതൃത്വത്തിലുള്ള സംഘം യുവാവിനെ പിടികൂടുകയായിരുന്നു. തുടര്‍ന്ന് നടന്ന പരിശോധനയില്‍ 25 കുപ്പികളിലായി 13.5 ലിറ്റര്‍ മദ്യം കണ്ടെടുത്തു. റെയ്ഡില്‍ പ്രിവന്റീവ് ഓഫീസര്‍ അക്ബര്‍, സിഇഒമാരായ സുധീര്‍, അനില്‍, റഹിം എന്നിവരും പങ്കെടുത്തു. പ്രതിയെ തിങ്കളാഴ്ച ആലപ്പുഴ ജുഡീഷ്യല്‍ ഫസ്റ്റ്ക്ലാസ് മജിസ്‌ട്രേറ്റ് കോടതിയില്‍ ഹാജരാക്കും.
Friday, November 8, 2024
മദ്യ വില്പ്പനയ്ക്കിടെ യുവാവ് അറസ്റ്റില്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: