മദ്ധ്യപ്രദേശ് മുഖ്യമന്ത്രി ആലപ്പുഴയിലെത്തി

ആലപ്പുഴ: മദ്ധ്യപ്രദേശ് മുഖ്യമന്ത്രി ശിവരാജ് സിങ് ചൗഹാന്‍ കുടുംബസമേതം ആലപ്പുഴയിലെത്തി. ക്ഷേത്രദര്‍ശനം, ഹൗസ്‌ബോട്ട് യാത്ര എന്നിവയ്‌ക്കായാണ് ഭാര്യയ്‌ക്കും മകനുമൊപ്പം അദ്ദേഹം എത്തിയത്. തിങ്കളാഴ്ച വൈകിട്ട് ആറരയോടെ ആലപ്പുഴ പുന്നമടയിലെ സ്വകാര്യ ഹോട്ടലില്‍ എത്തിയ ചൗഹാന്‍ ഡിസംബര്‍ 31 വരെ ആലപ്പുഴയില്‍ ഉണ്ടാവും. വെജിറ്റേറിയന്‍ ഭക്ഷണമാണ് അദ്ദേഹം ആവശ്യപ്പെട്ടിട്ടുള്ളതെന്ന് ഹോട്ടല്‍ അധികൃതര്‍ അറിയിച്ചു. ആലപ്പുഴയിലെ കയര്‍ ഫാക്ടറി മ്യൂസിയവും അദ്ദേഹം സന്ദര്‍ശിക്കുമെന്ന് അറിയുന്നു. സ്വകാര്യ സന്ദര്‍ശനത്തിനു ശേഷം 31ന് ഉച്ചയോടെ അദ്ദേഹം മടങ്ങും.