കാസര്‍കോട്: വഴിയോര കച്ചവട കേന്ദ്രം തകര്‍ക്കുന്നത് പകര്‍ത്തിയ ജന്മഭൂമി ജീവനക്കാരനെ എസ്‌ഐ തന്റെ ഫോണിലെ അസ്ലീല ചിത്രം കാണിച്ചു. ഇന്നലെ വൈകുന്നേരം കറന്തക്കാടാണ് സംഭവം നടന്നത്. കറന്തക്കാട് ബിജെപി ഓഫീസിന് എതിര്‍വശത്തെ മീന്‍വില്‍പന നടത്തുന്ന കേന്ദ്രം പൊളിച്ചുനീക്കുന്നതു കണ്ട ജന്മഭൂമി ജീവനക്കാരന്‍ അത് തന്റെ മൊബൈല്‍ ഫോണില്‍ പകര്‍ത്തിയിരുന്നു. ചിത്രം പകര്‍ത്തുന്നതു കണ്ട ടൗണ്‍ എസ്‌ഐ എടുത്ത ഫോട്ടോ ഫോണ്‍ മെമ്മറിയില്‍ നിന്ന് കളയണമെന്നും അല്ലെങ്കില്‍ നീ പല സ്ഥലങ്ങളിലും പോസ്റ്ററുകള്‍ കീറുന്ന വീഡിയോ രംഗം എന്റെ ഫോണിലുണ്ടെന്നും അതുവെച്ച് കേസെടുക്കുമെന്നും പറഞ്ഞ് ഭീഷണിപ്പെടുത്തി.
തുടര്‍ന്ന് താന്‍ അങ്ങനെ ചെയ്യാറില്ലെന്നും ഉണ്ടെങ്കില്‍ കാണിക്കണമെന്നും പറഞ്ഞപ്പോള്‍ എസ്‌ഐ തന്റെ സാംസംഗ് ആന്‍ഡ്രോയിഡ് ഫോണില്‍ രഹസ്യമായി സൂക്ഷിച്ചിരുന്ന അസ്ലീല വീഡിയെ കാണിക്കുകയായിരുന്നു. അസ്ലീല ചിത്രം ഫോണില്‍ സൂക്ഷിച്ചതിനെ ചോദ്യം ചെയ്തപ്പോള്‍ കേസിന്റെ ഭാഗമായി കസ്റ്റഡിയിലെടുത്ത് സൂക്ഷിച്ചതാണെന്ന് പറഞ്ഞ് കൂടുതല്‍ ചോദ്യങ്ങള്‍ക്ക് മറുപടി പറയാന്‍ നില്‍ക്കാതെ സംഭവസ്ഥലത്തുനിന്നും തടിതപ്പുകയായിരുന്നു.
പ്രതികരിക്കാൻ ഇവിടെ എഴുതുക: