പുറക്കാടു ആള്‍ത്താമസമില്ലാത്ത വീട്ടില്‍ നിന്നു പിടികൂടിയ അണലി
അമ്പലപ്പുഴ: ആള്‍ത്താമസമില്ലാത്ത വീട്ടില്‍ നിന്നു തൊഴിലുറപ്പ് തൊഴിലാളികള്‍ അണലിയെ പിടികൂടി. പുറക്കാട് പഞ്ചായത്ത് 17-ാം വാര്‍ഡ് ദേവസ്വം പറമ്പില്‍ സുമേഷിന്റെ വീട്ടില്‍ നിന്നാണ് തൊഴിലുറപ്പ് ജോലിയില്‍ ഏര്‍പ്പെട്ടിരുന്ന സ്ത്രീകള്‍ അണലിയെ പിടികൂടിയത്. കടല്‍ത്തീരത്തു കാടുകള്‍ വെട്ടിത്തെളിക്കുന്നതിനിടെ ആള്‍ത്താമസമില്ലാത്ത വീടും വൃത്തിയാക്കുവാന്‍ കയറിയതായിരുന്നു സ്ത്രീകള്‍. ഇതിനിടെ മുറിക്കുള്ളില്‍ നീളമുള്ള അണലി കുരുങ്ങിക്കിടക്കുന്നതാണ് കണ്ടത്. സംഭവമറിഞ്ഞ് നാട്ടുകാര്‍ ഓടിക്കൂടി അണലിയെ പുറത്തിടുകയായിരുന്നു. വനംവകുപ്പ് ഉദ്യോഗസ്ഥരെ വിവരമറിയിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: