പലസ്തീനില് പിഞ്ചുകുഞ്ഞുങ്ങള് മരിച്ചുവീഴുന്നത് കണ്ട് കോമരംതുള്ളിയ കപടമതേതര വെളിച്ചപ്പാടുകളെ, ഇന്നലെ പാകിസ്ഥാനില് മരിച്ചുവീണ പിഞ്ചു കുഞ്ഞുങ്ങളുടെ ജീവനു വിലയില്ലേ? എന്തേ നിങ്ങള് ഉറഞ്ഞുതുള്ളുന്നത് കണ്ടില്ല? എന്തേ നിങ്ങള് ജാഥ നടത്തിയില്ല? കവലപ്രസംഗങ്ങള് നടത്തിയില്ല? ഒരു കാര്യം മനസ്സിലാക്കണം. എല്ലാവരുടേയും ജീവന് വിലപ്പെട്ടതാണ്. അത് എവിടെയായാലും ആരുടെയായാലും. ചീറിവരുന്ന ഇസ്രായേല് മിസൈലുകള്ക്കും വെടിയുണ്ടകള്ക്കുംമുന്നില് നിരപരാധികളായ കുട്ടികളെയും സ്ത്രീകളെയും ഉപയോഗിച്ച് മനുഷ്യകവചം തീര്ക്കുന്നവരെ കാണാന് നിങ്ങള്ക്ക് കഴിവില്ല. പരസ്പരം കൊന്നു തള്ളുമ്പോള് അതിനിടയില്പ്പെട്ടു മരിച്ചു വീഴുന്ന നിരപരാധികളായ മദ്ധ്യേഷ്യന് രാജ്യങ്ങളിലെ കുഞ്ഞുങ്ങളെയും കാണാനുള്ള കഴിവുകള് ദൈവം നിങ്ങള്ക്ക് തന്നില്ല. വിരുദ്ധ മതത്തിലെ രണ്ടുവിഭാഗങ്ങള് തമ്മില് ഏറ്റുമുട്ടുമ്പോള് അതിലെ തങ്ങളുടെ നാട്ടിലെ വോട്ടുബാങ്കിന്റെ ഭാഗത്ത് നിലകൊള്ളുന്ന നിങ്ങളുടെ ‘മതേതരത്വം’ ഉണ്ടല്ലോ അത് ബുദ്ധിയുള്ളവരുടെ മുന്നില് ചിലവാകില്ല.
പ്രിയപ്പെട്ട മുസ്ലിം സഹോദരങ്ങളെ നമ്മുടെ മുന്പില് കപടമതേതരത്വം പറഞ്ഞു തമ്മില് തല്ലിച്ചു അതില് നിന്നും മുതലെടുക്കുന്ന ഇടതുവലതു മുന്നണികളെ ഇനിയും നിങ്ങള് വിശ്വസിക്കരുത്. നിങ്ങള് വെറുംവോട്ടു ബാങ്കുകളായി മാറാതെ വരും തലമുറയ്ക്കുവേണ്ടി നമ്മുടെ രാജ്യത്തിന്റെ പുരോഗതിയില് ഭാഗഭാക്കാകുക. കപടമതേതരത്വം വിളമ്പുന്നവരെ തിരിച്ചറിയുവാനും അവരെ അകറ്റിനിര്ത്തുന്നതിനും നിങ്ങള്ക്ക് കഴിവുണ്ടാകണം.
പ്രതികരിക്കാൻ ഇവിടെ എഴുതുക: