ചക്കുളത്തുകാവില്‍ പന്ത്രണ്ടുനോയമ്പ് മഹോത്സവം തുടങ്ങി

ചക്കുളത്തുകാവ്: ചക്കുളത്തുകാവ് ശ്രീ ഭഗവതി ക്ഷേത്രത്തില്‍ പന്ത്രണ്ടു നോയമ്പ് മഹോത്സവത്തിന് കൊടിയേറി. 27ന് താലപ്പൊലി ഘോഷ യാത്രയോടെ സമാപിക്കും. ചൊവ്വാഴ്ച രാവിലെ എട്ടിന് നീരേറ്റുപുറം 10-ാം നമ്പര്‍ എസ്എന്‍ഡിപി ശാഖയുടെ ആഭിമുഖ്യത്തില്‍ കൊടിയും കയറും ക്ഷേത്രത്തിലേക്ക് എഴുന്നെള്ളിച്ചു. തുടര്‍ന്ന് രാവിലെ 9.30ന് ക്ഷേത്ര മുഖ്യകാര്യദര്‍ശി രാധാകൃഷ്ണന്‍ നമ്പൂതിരി, കാര്യദര്‍ശി മണിക്കുട്ടന്‍ നമ്പൂതിരി, ഉണ്ണികൃഷ്ണന്‍ നമ്പൂതിരി, ഒളശ മംഗലത്തില്ലത്ത് ഗോവിന്ദന്‍ നമ്പൂതിരി എന്നിവരുടെ നേതൃത്വത്തില്‍ കൊടിയേറ്റും അശോകന്‍ നമ്പൂതിരിയുടേയും രഞ്ജിത്ത് ബി. നമ്പൂതിരിയുടെയും നേതൃത്വത്തില്‍ ചമയകൊടിയേറ്റും നടന്നു. ബുധനാഴ്ച ചതുര്‍ദിനവരദാന യജ്ഞത്തിന്റെ തുടക്കം കുറിച്ച് ഗരുഡ പഞ്ചാക്ഷരി ഹോമവും പൂജകളും നടക്കും.